ایران، اوکراینانین تهران ایش‌گۆدرینی باخانلیغا چاغیردی
"زلنسکی گئرچکدن ایرانین اینساسیز هاوا آرجلارینین، موشکلرینین و دیگر سلاحلارینین ییخیجی گۆجونو تست ائتمک ایسته‌ییر می؟"
ایران، اوکراینا دؤولت باشقانلیغی دفتری موشاویری میخائیل پودولیاکا تپکی اولاراق بو اؤلکه‌نین تهران ایش‌گۆدری/گئچیجی ایشلر وکیلینی خاریجی ایشلر باخانلیغینا چاغیردی.
ایرانین ایشچیلر خبر آژانسی ایلنانین وئردیگی بیلگیلره گؤره، پودولیاکین توییتر حسابیندان پایلاشدیغی «اصفهانداکی ساوونما باخانلیغینا عاید بیر تاسیسه ائدیلن سالدیریدا اوکراینانین دا الی اولدوغو»نو اۆستو قاپالی ایفاده ائتمه‌سی ندنی ایله بو اؤلکه‌نین تهران ایش‌گۆدری سؤزو گئدن ادعالارا آیدینلیق گتیرمک آماجییلا دیش ایشلری باخانلیغینا چاغریلدی.
اوکراینا دؤولت باشقانلیغی دفتری موشاویری پودولیاک، اوکراینا ساواشینین اولومسوزلوقلارینا توخوندوغو دۆننکی سوسیال مئدیا پایلاشیمیندا، ایران‌دا اینسانسیز هاوا آراجی و موشک اۆره‌تیلدیگی ادعا ائدیلن اصفهانداکی ساوونما باخانلیغینا عاید تاسیسده‌کی پاتلامایا ایشاره ائدرک، "اوکراینا سیزی اویارمیشدی" ایفاده‌لرینی ایشلتدی.
اؤته یاندان پودولیاکا بیر تپکی ده ایران نۆوه موذاکیره هیئتی موشاویری محمد مرندی‌دن گلدی.
مرندی توییتر حسابیندان ائتدیگی پایلاشیمیندا،
"(اوکراینا لیدئری ولودیمیر) زلسکینین بیر موشاویری، اسرائیل رژیمینین اصفهانداکی پیس شکیلده پلانلانمیش اینسانسیز هاوا آراجی سالدیریسینا اوکراینانین قاریشدیغینا اۆستو اؤرتولو اولاراق توخوندوغو گؤرولور. زلنسکی گئرچکدن ایرانین اینساسیز هاوا آرجلارینین، موشکلرینین و دیگر سلاحلارینین ییخیجی گۆجونو تست ائتمک ایسته‌ییر می؟ بئله بیر آخماقلیقدان کسینلیکله پئشمان اولاجاق" ایفاده‌لردینی ایشلتدی.
ایلگیلی‌لی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیق‌لاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیق‌لاری باشلاییب.
