ایرانا قارشی یئنی تحریملر یولدا
آوروپا بیرلیگی شوراسیندان وئریلهن آچیقلامادا، تحریملرین ایرانداکی اینسان حاقلاری پوزونتولارینا گؤره تطبیق ائدیلهجگی بیلدیریلدی
آوروپا بیرلیگی اؤلکهلری سپتامبر آییندا ایراندا گؤز آلتینا آلینان بیر قادینین اؤلوموندن سونرا باشلایان گؤستریلره موداخیلهده رول اوینادیقلاری اوچون ۱۸ ایرانلی شخص و ۱۹ قورولوشا تحریم تطبیق ائتمه قراری آلدی.
آوروپا بیرلیگی شوراسیندان وئریلهن آچیقلامادا، تحریملرین ایرانداکی اینسان حاقلاری پوزونتولارینا گؤره تطبیق ائدیلهجگی بیلدیریلدی.
تحریم اویقولاناجاق شخصلر آراسیندا ایرانین گنجلر و ایدمان باخانی سید حمید سجادی هزاوه، بعضی میللت وکیللری، بعضی ایالتلرین والیلری، دؤولت مئدیاسینین چالیشانلاری و ایران اینقیلاب کئشیکچیلری اوردوسونون یوکسک روتبهلی بعضی مسئوللاری دا وار.
لیستده ایران اینقیلاب کئشیکچیلری اوردوسونون اؤلکهنین بعضی بؤلگهلریندهکی بیریملری ایله ایران اؤزل پلیس قوهلری و گوونلیک خیدمتلری گوئرن بعضی شیرکتلر ده یئر آلیر.
سون تحریملرله بیرلیکده آوروپا بیرلیگینین محدودلاشدیریجی تدبیرلر حیاتا گئچیردیگی ایرانلی شخص ساییسی ۱۶۴، قورولوش ساییسی ایسه ۳۱ اولدو.
تحریملر، آوروپا بیرلیگینه سیاحت قاداغاسی، وارلیقلارین دوندورولماسی و بو شخص و قورولوشلارا مالی دستک وئریلمهسینین یاساقلانماسیندان اولوشور.
آیریجا، خالقا باسقی واسطهسی اولاراق ایستیفاده اولونابیلهجک بعضی لوازم و ایزلهمه جیهازلارینین دا ایرانا ساتیشی قاداغان ائدیلیر.
ایلگیلیلی خبرلر
افغانیستاندا هلیکوپتر دوشدو
غور ویلایتینین فیروز کوه شهرینده عسگری هلیکوپتر، هریرود چایینین ساحلینه دوشدو