لیبیا-دا 5+5 بیرگه حربی کومیته‌نین ایجلاسی کئچیریلیب
ژنرال خالد المحجوب بیلدیریب کی، بیرلشمیش حربی کومیته لیبیا-نین سرت شهرینده بمت-نین لیبیا خصوصی سفیری عبدالله باتیلی‌نین ایشتیراکی ایله ایجلاس کئچیریب.
لیبیا-دا بیرلشمیش میللت‌لر تشکیلاتی‌نین (بمت) رهبرلیگی آلتیندا اؤلکه‌نین دوغوسونداکی سلاحلی قوه‌لرین لیدری خلیفه حفترین اوردوسو و قوه‌لریندن عبارت 5+5 بیرگه حربی کومیته آتشکس ده داخیل اولماقلا بیر چوخ مسئله‌لری موذاکیره ائدیب.
حفترین رهبرلیک ائتدیگی لیبیا دوغو قوه‌لری‌نین روحانی ایداره‌سی‌نین رئیسی، ژنرال خالد المحجوب بیلدیریب کی، بیرلشمیش حربی کومیته لیبیا-نین سرت شهرینده بمت-نین لیبیا خصوصی سفیری عبدالله باتیلی‌نین ایشتیراکی ایله ایجلاس کئچیریب.
آچیقلامایا گؤره،ایجلاسدا 2020-جی ایلده سوئیس-ین ژنو شهرینده لیبیا-لی طرف‌لری آراسیندا ایمضالانمیش آتشکس سازیشی‌نین ماده‌لری، همچنین اولوسلار آراسی و یئرلی موشاهیدچی‌لرین سازیش اوزره ایشی موذاکیره ائدیلیب.
ایجلاسدا همچنین اؤلکه‌ده‌کی حربی قوروم‌لارین بیرلشدیریلمه‌سی، اجنبی و مزدلو حربچی‌لرین اؤلکه‌دن چیخاریلماسی مسئله‌لری ده موذاکیره اولونوب.
خاطیرلاداق کی، 5+5 حربی کومیته‌نین ژوئن‌ین 15-ده میصرین پایتاختی قاهیره‌ده ایجلاسی کئچیریلیب.
