فرانسانین تهران ائلچیسی باخانلیغا چاغریلدی

فرانسانین تهران ائلچیسی نیکلا رش، فرانسا خاریجی ایشلر باخانی کاترین کولونانین آچیقلامالارینا گؤره ایران خاریجی ایشلر باخانلیغینا چاغریلدی.

ایران خاریجی ایشلر باخانلیغیندان وئریله‌ن آچیقلامادا، فرانسانین خاریجی ایشلر باخانی کاترین کولونانین پارلماندا‌کی قبول ائدیلمز آچیقلامالاری و پارلمانین ایراندا باش وئره‌نلرله باغلی موداخیله‌چی قرارینین مجلیسده اونایلانماسینا تپکی اولاراق ائلچینین خاریجی ایشلر باخانلیغینا چاغریلدیغی بیلدیریلدی.

آچیقلامادا، پاریس یؤنه‌تیمینین ایرانا قارشی اساسسیز اتهاملارینین قیناندیغی و بو اتهاملارین قبول ائدیلمز اولدوغو قید ائدیلدی.

"فرانسا و باشقا بعضی آوروپا اؤلکه‌لرینین اینسان حاقلاری مسئله‌سیندن سوءایستیفاده ائتدیگی" وورغولانان آچیقلاما‌دا، "بو اؤلکه‌لرین، میللتلرین حاقلارینا ضد، تک طرفلی و مجبور ائدیجی یاناشمالارا ال آتاراق، اینسان حاقلاری ادعاسیندا اولما صلاحیتیندن یوخسون اولدوقلاری" دئییلیر.

آچیقلامادا، فرانسا ائلچیسینین مسئله‌نی پاریس یؤنه‌تیمینه چاتدیراجاغی بیلدیریلدی.