ایران‌دان عراقا اربعین اوچون زیارتچی آخینی
ایرانلیلارین دیگر اؤلکه وطنداشلارینا گؤره ساییجا چوخ و کنترلسوز اولمالاری، عراقلیلارین دا تپکیسینه سبب اولور
عراقا، اربعین مراسیملرینه قاتیلماق اوچون باشد‌ا ایرانلیلار اولماقلا تخمیناً ۳ میلیون نفرین گئتدیگی بیلدیریلدی.
عراق‌داکی شیعه‌لر اربعینی آنماغا حاضیرلاشارکن، چوخو ایرانلی اولماق اۆزره بیر چوخ خاریجی اؤلکه‌یه گئتمه‌یه داوام ائدیر.
عراقا گئدن ایرانلیلار، نجف و کربلاداکی مسجیدلر ایله اوخول بینالارینا یئرلشدیریلیر. ایرانلیلارین دیگر اؤلکه وطنداشلارینا گؤره ساییجا چوخ و کنترلسوز اولمالاری، عراقلیلارین دا تپکیسینه سبب اولور.
شیعه دینی و سیاسی لیدئر مقتدا صدر ده ایرانلیلارین کنترلسوز شکیلده اؤلکه‌یه آلینماسینا تپکی گؤستررک، ایرانلی و دیگر خاریجی زیارتچیلرین عراقا گیریشینده سایی محدودیتی قویولماسی و ساغلیق قوراللارینا رعایت ائدیلمه‌سی چاغریسی ائتدی.
آنجاق صدرین بو چاغریسی حکومت طرفیندن قارشیلیقسیز قالدی.
کربلا والیسی نصیف خطابی ده مطبوعاتا آچیقلاماسیندا، ایندییه قدر تخمیناً ۳ میلیون خاریجینین اربعین اوچون کربلایا گلدیگینی بیلدیردی.
هر ایل اربعین‌ده میلیونلارجا ایرانلی یئریه‌رک عراق سرحدینی کئچیب کربلا شهرینده یاس مراسیملرینه قاتیلیر.
