پاکیستان-دا لئیسان یاغیش‌لار 937 نفرین حیاتینا سون قویوب
رسمی‌لر داشقین‌لارین 30 میلیون اینسانا تأثیر ائتدیگینی و اونلارین اکثریتی‌نین کؤچکون دوشدوگونو بیلدیریب.
ژوئن آیی‌نین 14-دن بو گوندک پاکیستان-دا لئیسان یاغیش‌لار نتیجه‌سینده اؤلن‌لرین سایی 937 نفره چاتیب.
حیاتینی ایتیرن‌لرین 343-نو اوشاق‌لار، 198-نی قادین‌لار تشکیل ائدیر.
رسمی‌لر داشقین‌لارین 30 میلیون اینسانا تأثیر ائتدیگینی و اونلارین اکثریتی‌نین کؤچکون دوشدوگونو بیلدیریب.
اؤلکه اوزره 670 مین 328 ائوه زیان دییب، 145 کؤرپو داغیلیب.
سئل 3 مین 82 کیلومتر اتوبانا زیان ووروب.
لئیسان یاغیش‌لاری سببیندن اؤلکه‌ده فوق العاده وضعیت اعلان ائدیلیب.
دیگر طرف‌دن، ناظیرلر کابینه‌سی‌‌نین عضو‌لری و ژنرال لار آیلیق معاش‌لارینی داشقیندان ضرر چکن‌لر اوچون یارادیلان یاردیم فوندونا کؤچوروب‌لر.
باش ناظیر شهباز شریف داشقیندان ضرر چکمیش اراضی‌لرده یاردیم و برپا ایشلرینده امکداش‌لیق اوچون خاریجی اؤلکه‌لرین سفیرلری ایله گؤروشوب.
داشقین‌لارلا موباریزه آپاران پاکیستانا دونیا بانکی‌نین 350 میلیون، دونیا ارزاق پروقرامی‌نین 110 میلیون، آسیا اینکیشاف بانکی‌نین 20 میلیون و اینگیلتره‌نین 40 میلیون دول‌لار یاردیم گؤندرجگی آچیقلانیب.
