اوکراینا-‌دان تاخیل یوکلنمیش داها ایکی گمی یولا دوشوب

تورکیه میللی ساوونما ناظیرلیگی 11 مین تون سویا و 48 مین تون قارغیدا‌لی داشییان 2 گمی‌نین اوکراینا‌دان یولا دوشدوگونو آچیقلاییب. دونن (7 آوقوست 2022) یولا دوشن 4 گمی بو آخشام ایستانبول-دا لؤوبر سالا‌جاق، صاباح ایسه گمی‌لر یوخلانیلا‌جاق.

ناظیرلیک‌دن وئریلن آچیقلامادا، بیرگه کووردیناسیون مرکزی‌نین ایشی چرچیوه‌سینده اوکراینا لیمانلاریندان‌ تاخیل داشیما‌لاری‌نین داوام ائتدیگی بیلدیریلیب.

بو گون سحر؛ ایتالیا-یا 11 مین تون سویا داشییان " SACURA" گمیسی یوزنی‌دن، 48 مین 458 تون قارغیدا‌لی داشییان "آریزونا" آدلی گمی ایسه چرنومورسک-دان یولا دوشوب.

دونن یولا دوشن و ایستانبول ایستیقامتینده حرکت ائدن 4 گمی بو آخشام ایستانبول-دا لؤوبر سالا‌جاق و صاباح یوخلانیلا‌جاق.