ایران‌دا سئل؛ ان آز ۴ نفر اؤلدو

ایران‌دا شدتلی یاغیشلارین سبب اولدوغو داشقینلار نتیجه‌سینده ۴ نفرین اؤلدوگو، ۹ نفرین یارالاندیغی بیلدیریلدی.

دونن آخشام ساعاتلاریندا یاغان یاغیش تهران و اطرافینی ووردو.

شدتلی یاغیشلارین سبب اولدوغو سئل، امامزاده داوود بؤلگه‌سینده ۴ نفرین اؤلومو، ۹ نفرین یارالانماسی ایله نتیجه‌لندی.

بؤلگه‌ده داشقین سببیله ایتکین دوشدوگو دوشونولن اینسانلار اوچون ده آختارما-قورتارما ایشلرینه باشلانیلدی.

سئل، ایله باغلی ایچ ایشلری باخانی احمد وحیدی، ایران قیزیل آی جمعیتی باشقانی پیر حسین کولیوند، تهران والیسی محسن منصوری و بلدیه باشقانی علی رضا زاکانی و اورژانس مرکزینین مسئوللاری اولاغان اوستو توپلاندی.

جمهورباشقانی ابراهیم رئیسی، قورتارما ایشلرینی سرعتله‌ندیرمک و داشقیندان ضرر چکه‌ن وطنداشلارا لازیم اولان یاردیمی گؤسترمک اوچون ایچ ایشلری باخانلیغی، تهران والیلیگی و قیزیل آی کیمی قوروملارا بوتون امکانلارین سفربر ائدیلمه‌سی تاپشیریغی وئردی.