اردوغان ایراندا: موباریزهنی دایانیشما ایچینده داوام ائتدیرمهلیییک
"تورکیه جمهورباشقانی اردوغانین اؤلکهمیزه سفری ایکی اؤلکه آراسینداکی ایلیشکیلرده اؤنملی دؤنوم نقطهسیدیر"
ایراندا اولان جمهورباشقانی اردوغان، اؤلکهنین لیدئری آیتالله علی خامنهای ایله باغلی قاپیلار آرخاسیندا گؤروشدو.
اردوغان و ایرانلی قونومداشی رئیسی داها سونرا تورکیه-ایران یوکسک سویهلی امکداشلیق شوراسینین ۷.جی توپلانتیسینا باشقانلیق ائتدی.
توپلانتیدان سونرا آچیقلاما وئرهن رجب طیب اردوغان:
"(ترور هؤرگوتلری) پژاک، پکاکا، پید، یپگ، فئتو، تورکیه و ایرانین جدی معنادا باش بلاسیدیر. بونلارلا موباریزهنی دایانیشما ایچینده داوام ائتدیرمهلیییک" دئدی.
جمهورباشقانی اردوغان، بو گون گئچیریلهجک تورکیه-ایران-روسیا اوچلو ذیروه توپلانتیسی ایله باغلی دا،
"(سوریه قونولو) آستانا پروسهسینی یئنیدن بیر دگرلندیریلمه، آستانا پروسهسینی جانلاندیرما دورومو اولاجاق" دگرلندیرمهسینی وئردی.
ابراهیم رئیسی ده اورتاق مطبوعات کنفرانسیندا:
"(تورکیه و ایران) ایکی اؤلکه آراسیندا ۳۰ میلیارد دلارلیق تیجارت حجمی معین ائتدیک. بو، مؤوجود اورتاق تیجارت حجمینی اوچ قات آرتیرماق دئمکدیر" دئدی.
رئیسی،
"ایکی اؤلکهنین اورتاق صنایع شیرکتلری قورماسی، بو گون اۆزرینده آنلاشدیغیمیز مسئلهلردن بیری" دئدی.
ایران جمهورباشقانی،
"تورکیه جمهورباشقانی اردوغانین اؤلکهمیزه سفری ایکی اؤلکه آراسینداکی ایلیشکیلرده اؤنملی دؤنوم نقطهسیدیر" دئدی.