افغانیستان و ایران‌دا زلزله
افغانیستان‌داکی زلز‌له‌ده ایلک بیلگیلره گؤره، ۲۵۵ نفر حیاتینی ایتیردی
افغانیستانین پکتیکا ایالتینده دونن گئجه باش وئره‌ن ۵،۹ بؤیوکلوگونده‌کی زلز‌له‌ده ایلک بیلگیلره گؤره ۲۵۵ نفر حیاتینی ایتیردی.
مسئوللار، زلز‌له‌دن ان چوخ پکتیکا ویلایتینین گیان ائلچه‌سی و خوست ویلایتینین سپیری بؤلگه‌سینین ضرر گؤردوگونو بیلدیردی.
زلز‌له‌ده ایلک بیلگیلره گؤره، ۲۵۵ نفرین حیاتینی ایتیردیگی بیلگیسینی پایلاشان مسئوللار، چوخ ساییدا یارالینین اولدوغونو ایفاده ائتدی.
مسئوللار، آختارما-قورتارما ایشلرینین داوام ائتدیگینی، بؤلگه‌یه هلیکوپتر گؤندریلدیگینی قید ائتدی.
آمریکا ژئولوژیک آراشدیرمالار قورومو، اؤنجه ۶،۱ اولاراق اعلان ائدیله‌ن زلز‌له‌نین بؤیوکلوگونو ۵،۹ اولاراق یئنیله‌دی.
دئپرمین، افغانیستانین دوغوسوندا، پاکیستان سرحدینده اولان خوست ویلایتینین ۴۶ کیلومتر گونئی باتیسیندا اولدوغو آچیقلانمیشدی.
یئرلی واختلا ساعات ۰۱:۲۴ده باش وئره‌ن زلزله، باشکند کابل دا داخیل، اطراف شهرلرین یانی سیرا، پاکیستانین باشکندی اسلام‌آباد و پیشاور کیمی سرحده یاخین شهرلرده ده حس ائدیلدی.
اؤته یاندان، ایرانین گونئیینده‌کی هرمزگان ایالتینین بندر لنگه ائلچه‌سینده ده ۵،۲ بؤیوکلوگونده زلزله باش وئردی.
یئرلی واختلا ساعات ۰۱:۳۹دا ثبت ائدیلن زلزهله‌نین ۱۰ کیلومتر درینلیک‌ده باش وئردیگی بیلدیریلدی.
زلز‌له‌ده جان و یا مال ایتکی‌سی اولوب-اولمادیغی باره‌ده هله‌لیک بیلگی یوخدور.
