روسیا-دان حربی بیرلشمه لرینین عملیات لاری ایله باغلی آچیقلاما
روسیا ساوونما ناظیرلیگی حربی بیرلشمه‌لری‌نین عملیات‌لارینا دایر بیانات یاییب.
روسیا ساوونما ناظیرلیگی اوکراینادا قوموتا مرکزی و یانا‌جاق مخزن لرینین یوکسک دقیق‌لیک‌لی راکت‌لرله وورولدوغونو بیلدیریب.
ناظیرلیگین سؤزچوسو ایگور کوناشنکوو روسیا حربی بیرلشمه‌لری‌نین اوکراینا‌داکی محاربه‌ده آوریلین 5-دکی حرکت‌لری ایله باغلی آچیقلاما وئریب.
کوناشنکوو بیلدیریب کی، روسیا حربی قوه‌لری اوکراینا‌داکی حربی آلت یاپی تاسیس لرینه هوجوم‌لارینی داوام ائتدیریر.
زولوچیو و چوهویو یاشاییش منطقه‌لرینده بولگه سل ساوونما بیرلشمه‌لری‌نین قوموتا مرکزی، یانا‌جاق مخزن لری و زیره لی تجهیزاتین تعمیر اولوندوغو فابریکا یوکسک دقیق‌لیک‌لی راکت‌لرله محو ائدیلیب" معلوماتینی پایلاشیب.
اوکراینادا گون عرضینده حیاتا کئچیریلن اوچاق هوجوملاریندا 33 حربی آلت یاپی عنصورونون محو ائدیلدیگینی بیلدیرن کوناشنکوو علاوه ائدیب کی، اوکراینا اوردوسونا عایید 125 اوچاق و 93 هلیکوپتر، 403 پیلوت‌سوز اوچوش آپارات، 1981 تانک و زیره لی تجهیزات، 854 عدد توپ و خمپاره و 1876 خصوصی حربی ماشین محو ائدیلیب.
ایگور کوناشنکوو همچنین اوکراینانین ماریوپل شهرینده قارشیدورما‌لارین داوام ائتدیگینی بیلدیریب.
دیگر طرف‌دن، روسیا ساوونما ناظیرلیگی اوکراینادا محاربه باشلایان‌دان بری 620 میندن چوخ اینسانین تهلوکه‌لی بؤلگه‌لردن تخلیه ائدیلدیگینی آچیقلاییب.
