زلنسکی: روس اوردوسو بونو نیه ائتدی؟
"اگر اوردو و خالقیمیز اؤزونو ساوونماسایدی، روسلار بوچادا اولدوغو کیمی اوکراینانین هر یئرینده قیرغین تؤرده‌جکدی"
اوکراینا دؤولت باشقانی ولودیمیر زلنسکی بوچاداکی قتل‌عامین "ساواش سوچو" اولدوغونو سؤیله‌یرک،
"روس اوردوسو بونو نیه ائتدی؟" دئدی.
ولودیمیر زلنسکی روس قوشونلارینین گئری چکیلدیگی بوچا شهرینه سفری سونراسی رومانی مجلیسینه سسلندی.
بوچاداکی قتل‌عامین "ساواش سوچو" اولدوغونو دئیه‌ن زلنسکی، اتومبیللرین تانکلارلا ازیلدیگینی، بۆتون دلیللر اولماسا دا ایشگه‌نجه ائدیلن اینسانلار اولدوغونو سؤیله‌یرک، "روسیا اوردوسو بونو نیه ائتدی؟" دئدی.
روسیانین ممکن اولدوغو قدر چوخ اینسانین اؤلمه‌سینی آرزولادیغینی ادعا ائدن زلنسکی،
"اگر اوردو و خالقیمیز اؤزونو ساوونماسایدی، روسلار بوچادا اولدوغو کیمی اوکراینانین هر یئرینده قیرغین تؤرده‌جکدی" ایفاده‌لرینی ایشلتدی.
روسیانین تک هدفینین اوکراینا اولمادیغینی ادعا ائدن ولودیمیر زلنسکی، روسیانین، اودسایا سالدیرماق و اوردان دا مولداویه بیر آددیم داها یاخینلاشماق ایسته‌دیگینی سؤیله‌یرک،
"مولدووانین مستقیللیگینی ساوونماق اساسدیر و بو تونا بؤلگه‌سینین هر یئرینده گوونلیک دئمک‌دیر" دئدی.
زلنسکی، اورتا آوروپا و قارا دنیز بؤلگه‌سینین طالعینین اوکراینا تورپاقلاریندا معین اولاجاغینی دیله گتیردی.
