روسیا بیر آیدا باشکند کیئوی قوشادابیلمه‌دی
روسیانین، کیئو شهرینی محاصره ائده‌بیلمه‌دیگی و اوکراینانین سول یاخاسی اوزرینده کنترل قورما وظیفه‌سینی یئرینه یئتیرمه‌دیگی ایفاده ائدیلدی
اوکراینا باش قرارگاه باشقانلیغی، روسیانین بیر آیدا باشکند کیئوی قوشادابیلمه‌دیگینی بیلدیردی.
باش قرارگاه باشقانلیغیندان وئریله‌ن آچیقلامادا، روسیانین اوکراینایا بیر آی اؤنجه باشلاتدیغی ساواش و جبهه‌لرده‌کی سون وضعیت دگرلندیریلدی.
روسیانین، دونتسک و لوهانسک بؤلگه‌لرینین اداری سرحدلرینه گیره‌بیلمه‌دیگی، کیئو شهرینی محاصره ائده‌بیلمه‌دیگی و اوکراینانین سول یاخاسی اوزرینده کنترل قورما وظیفه‌سینی یئرینه یئتیرمه‌دیگی ایفاده ائدیلدی.
آچیقلامادا، روسیانین کیئو، چرنیگیو، سومی، خارکوو و ماریوپولو اله گئچرمک مقصدی ایله سالدیرینی یئنیدن باشلاتما گیریشیملریندن وازگئچمه‌دیگینه دقت چکیلدی.
روسیا سلاحلی گوجلرین جبهه‌ده‌کی وضعیتی یاخشیلاشدیرماق اوچون، اوکراینا سرحدلرینه یئنیدن قونوشلاندیرما ایشلرینین داوام ائتدیگی ایفاده ائدیلدی.
سون ۲۴ ساعاتدا، کالینووکا، گورینکا، پوشا-وودیتسا، نووییه پترووتسی، رومانووکا و کیئو شهرینین قوزئی دوغوسونون توپچو آتیشلارییلا وورولدوغو خاطیرلادیلدی.
ماریوپول‌داکی مولکی آلت یاپی تاسیسلرینین ده هاوا و توپچو آتیشلاری آلتیندا قالماغا داوام ائتدیگی بیلدیریلدی.
اوکراینا باشباخان کؤمکچیسی ایرینه ورشچوک دا سوسیال مئدیا اوزریندن وئردیگی آچیقلامادا، اوکراینادا چاتیشمالارین یاشاندیغی یئرلردن وطنداشلارین تخلیه ائتمه سوره‌جی اوچون ۹ کوریدورون‌دان ۷سینین قوللانیلدیغینی بیلدیردی.
دونن گون ایچینده ماریوپول شهرین‌دن شخصی ماشینلارلا ۲ مین ۹۱۲ نفرین زاپوریژیا شهرینه چاتدیغینی ایفاده ائد‌ن ورشچوک،
"کیئو بؤلگه‌سین‌دن ۹۱۹، گولایپوله شهرین‌دن ۵۱، روبژنویه، لیسیچانسک، سورودونتسک، کرمنایا شهرلریندن ده ۶۷۲ نفری چیخاردیق. بو شهرلره ۶۰ تن اینسانی کؤمک چاتدیردیق" ایفاده‌سینی ایشلتدی.
