روسیا: اوکراینادا اوردویا عاید مهماتلیقلار وورولدو

روسیا ساوونما باخانلیغی، اوکراینادا ۵ یئرله‌شیم یئرینده اوردویا عاید مهماتلیقلارین، اوزون منزیللی یوکسک حساسیته صاحب سلاحلارلا وورولدوغونو بیلدیردی.

روسیا ساوونما باخانلیغی سؤزچوسو ایگور کوناشنکوو، روس اوردوسونون اوکراینا ساواشیندا‌کی حرکتلرینه باغلی آچیقلامالار وئردی.

گون ایچینده اوکراینا حربی تاسیسلرینین هاوا و دنیزدن اوزون منزیللی یوکسک حساسیتلی سلاحلارلا وورولدوغونو ایفاده ائد‌ن کوناشنکوو،

"لیسیچانسک و کراماتورسک یئرله‌شیم یئرلرینده اوکراینا بیرلیکلرینین بؤیوک یاناجاق و یاغ آنبارلاری، دروژکووکا یئرله‌شیم یئرلرینده راکت و توپ مهماتی، نادژدینکا و نوووالکساندرووکا یئرله‌شیم یئرلرینده مهمات آنبارلاری یوخ ائدیلدی" ایفاده‌سینی ایشلتدی.

روس هاوا گوجلرینین اوکراینا اوردوسونا عاید ۸۳ عسگری تاسیسی یوخ ائتدیگینی بیلدیره‌ن کوناشنکوو، بونلار آراسیندا ۴ اداره مرکزی، ۴ هاوا ساوونما سیستمی، ۳ مهماتلیق، آیریجا ۶۸ حربی تکنیک آراج ساحه‌سینین اولدوغونو بیلدیردی. کوناشنکوو،

"بو گونه قدر اوکراینا اوردوسونا عاید ۲۳۶ اینسان‌سیز هاوا آراجی، ۱۵۴ راکت آتار، ۱۸۵ هاوا ساوونما موشک سیستمی، ۱۵۴۷ تانک و زره‌لی واسطه، ۶۱۲ هویتزر و توپ، ۱۳۴۳ اؤزل عسگری واسطه یوخ ائدیلدی" شکلینده دانیشدی.