روسیا ناتو-نون اوکراینادا باریش گوجو قوهلرینین یئرلشدیریلمهسی احتیمالینا منفی باخیر
روسیا پرزیدنتینین سؤزچوسو دمیتری پسکوو مسکوادا ژورنالیستلره آچیقلاما وئریب.
"ناتو باریش گوجونون اوکراینایا یئریدیلمهسی احتیاطسیز و سون درجه تهلوکهلی قرار اولاردی".
بونو روسیا پرزیدنتینین سؤزچوسو دمیتری پسکوو پایتاخت مسکوادا ژورنالیستلره وئردیگی آچیقلاما زامانی دئییب.
روسیا اوردوسونون اوکرایناداکی ایتکیلری ایله باغلی معلوماتلارین پایلاشیلماسی تشببوسونون روسیا ساوونما ناظیرلیگینه عایید اولدوغونا دقت چکن پسکوو دئییب:
"اونلار علاوه معلوماتی اویغون گؤردوکلری پایلاشیرلار. عملیات پلانلارا و تاپشیریقلارا جدی رعایت ائدیلمکله داوام ائدیر. اوردوموز آتش ائدیلمهدیگی مدتجه سیویل لره آتش آچمیر".
پسکوو ناتو-نون اوکراینادا باریش گوجو قوهلرینین یئرلشدیریلمهسی احتیمالینا منفی باخدیقلارینی قئید ائدیب.
"بو، چوخ احتیاطسیز و سون درجه تهلوکهلی قرار اولاردی. خصوصی حربی عملیات کئچیریلیر و اوردوموزلا ناتو حربچیلری آراسیندا هر هانسی مومکون تماس آنلاشیلان دوزلمهسی چتین اولان نتیجهلره گتیریب چیخارا بیلر"، -دئیه او بیلدیریب.
خاطیرلاداق کی، روسیا قوشونلاری فوریهنین 24-ده اوکراینایا هوجوم باشلادیب.
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.