روسیا: خارجی ساواشچیلارین قالدیغی بؤلگه‌نی ووردوق
"۱۸۰ دولاییندا خاریجی موزدلو ساواشچی و چوخ ساییدا خاریجی سلاح یوخ ائدیلدی"
روسیا ساوونما باخانلیغی مطبوعات سؤزچوسو ایقور کوناشنکوو، اوکراینانین لویو بؤلگه‌سینده تخمیناً ۱۸۰ خارجی موزدلو ساواشچینی، یوکسک اصابتلی اوزاق منزیللی سلاحلارلا ائتکیسیز حالا گتیردیکلرینی بیلدیردی.
ایقور کوناشنکوو، مطبوعاتا آچیقلاماسیندا، کیئو یؤنتیمینین لویو بؤلگه‌سینده‌کی حربی تعلیم ساحه‌سی و یاشاییش منطقه‌سینی، روس عسگرلرینه قارشی چاتیشما بؤلگه‌لرینه گؤندریله‌جک خارجی موزدلو ساواشچیلارین حاضرلیق ائش‌گۆدوم مرکزینه چئویردیگینی سؤیله‌دی.
بو بؤلگه‌ده خاریجی اؤلکه‌لردن گتیریله‌ن سلاح و حربی تجهیزات اوچون آنبار قورولدوغونو بیلدیره‌ن کوناشنکوو،
"۱۳ مارسدا سحر ساعاتلاریندا، یوکسک اصابتلی اوزون منزیللی سلاحلارلا اوکراینا سلاحلی گوجلرینین ستاریچی کندینده‌کی تعلیم مرکزلرینی و یاوورووسکی حربی تعلیم مرکزینی ووردوق. نتیجه‌ده، ۱۸۰ دولاییندا خاریجی موزدلو ساواشچی و چوخ ساییدا خاریجی سلاح یوخ ائدیلدی. اوکراینا تورپاقلارینا گلن خارجی ساواشچیلارین یوخ ائدیلمه‌سی داوام ائده‌جک" دئدی.
اوکراینا اوردوسونا عاید بو گونه دک توپلام ۳۷۳۶ حربی آلت‌یاپی تاسیسینین وورولدوغونو بیلدیرن کوناشنکوو،
"اوکراینا سلاحلی گوجلرینه عاید ۱۰۰ اوچاق، ۱۳۹ اینسانسیز هاوا آراجی، ۱۲۳۴ تانک و زره‌لی ماشین، ۱۲۲ راکت آتار، ۴۵۲ هویتزر و توپ، ۱۰۱۳ اؤزل حربی ماشین وورولدو" ایفاده‌سینی ایشلتدی.
سؤزچو کوناشنکوو آیریجا ماریوپول شهریندن ۸ اوشاق داخیل ۴۴ نفرین تخلییه ائدیلدیگی بیلگیسینی پایلاشدی.
ایلگیلی‌لی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیق‌لاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیق‌لاری باشلاییب.
