روسیا: اوکراینانین ۱۰ یاشاییش منطقهسی اله گئچیریلدی
عملیات باشلایاندان ایندیه دک اوکراینانین ۲۳۹۶ حربی آلتیاپی تاسیسی محو ائدیلدی"
روسیا ساوونما باخانلیغی مطبوعات سؤزچوسو ایگور کوناشنکوو اوکراینادا ۲ مین ۳۹۶ حربی آلتیاپی تاسیسینین محو ائدیلدیگینی بیلدیردی.
کوناشنکوو روسیا اوردوسونون اوکراینادا یوخ ائتدیگی سلاحلار و آلتیاپی حاقیندا بیلگی وئردی.
روسیا سلاحلی گوجلری و دونباسداکی آیریلیقچی سؤزده یؤنتیملرین، اوکراینانین ۱۰ یاشاییش منطقهسینی اله گئچیردیگینی بیلدیرن کوناشنکوو،
"سمولیانینووو، وویئوودیوکا، کرمینا، کودریاشیوکا، بورونکی، پوردیوکا، زامولیوکا یاشاییش منطقهلری کنترل آلتینا آلیندی. ۶ کیلومتر ایرلیلهییش اولدو" دئدی.
آیریجا؛ آزوو، نوووتاتاریوکا و میرنه یاشاییش منطفهلرینین ده اله گئچیریلدیگینی قید ائدن کوناشنکوو، حربی گوجلرین ماریوپول شهرینه دوغرو ایرلیلهمهیه داوام ائتدیگینی بیلدیردی.
اوکرایناداکی حربی آلتیاپی اوبیئکتلرینه هوجوملاری داوام ائتدیردیکلرینی وورغولایان کوناشئنکوو دئییب.
"عملیات باشلایاندان ایندیه دک اوکراینانین ۲۳۹۶ حربی آلتیاپی تاسیسی محو ائدیلدی. بونلارا اوکراینا سلاحلی گوجلرینین ۸۲ امر و رابطه مرکزی، ۱۱۹ س-۳۰۰، بوک ام-۱، اوسا و ۷۶ رادار مرکزی وار" ایفادهلرینی ایشلتدی.
کوناشنکوو اوکراینادا ۸۲۷ تانک و مختلیف زرهلی آراج، ۸۴ چوخ لولهلی راکت آتار، ۳۰۴ توپ، ۶۰۳ اؤزل حربی ماشین و ۷۸ اینسانسیز هاوا آراجینین محو ائدیلدیگینی بیلدیردی.
کوناشنکوو، بو گون ساعات ۱۰:۰۰دان اعتباراً موقتی آتیشکس اعلان ائدیلدیگینه و ۶ اینسانی یاردیم دهلیزینین آچیلدیغینا دقت چکدی.
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.