زلنسکی: ۴۵۰۰ روس عسگری اؤلدورولدو
"باشقانلیغا گئتدیگیمده هر بیریمیزین "جمهورباشقانی" اولدوغونو سؤیلهدیم. چونکو هامیمیز دؤولتیمیزدن سوروملویوق. گؤزل اوکراینامیز اوچون"
اوکراینا جمهورباشقانی ولودیمیر زلنسکی روسیانین ۲۴ فوریهده اؤلکهسینه تشکیل ائتدیگی سالدیریلاردا ۴۵۰۰ روس عسگرینین اؤلدوگونو بیلدیردی.
زلنسکی سوسیال مئدیادا یاییملادیغی یئنی ویدئودا، سون ۴ گونده روسیا سالدیریلاریندا ۱۶ اوشاغین اؤلدوگونو، ۴۵ اوشاغین یارالاندیغینی بیلدیردی.
۴۵۰۰ روس عسگرینین ده اؤلدورولدوگونو بیلدیرهن زلنسکی روس عسگرلرینه سسلهندی:
"گئدین جانینیزی قورتارین. باشچیلارینیزا، تبلیغاتچیلارینیزا اینانمایین. سادهجه جانینیزی قورتارین" دئدی.
روسیایا قارشی ساواشماق ایستهیهن و حربی تجروبهسی اولان محکوملاری آزاد ائتمه قرارینا گلدیکلرینی بیلدیرن زلنسکی،
"باشقانلیغا گئتدیگیمده هر بیریمیزین "جمهورباشقانی" اولدوغونو سؤیلهدیم. چونکو هامیمیز دؤولتیمیزدن سوروملویوق. گؤزل اوکراینامیز اوچون. ایندی ده هر بیریمیز ساواشچیییق و هر بیریمیین قازاناجاغیندان آرخایینام. اوکراینایا قلبه!" دئدی.
اوکراینا ساوونما باخانی یاردیمچیسی آننا مالیار دا فیسبوک صحیفهسینده، روسیا گوجلرینین سون ۴ گونده ایتکیلری ایله باغلی بیلگی پایلاشدی.
روس گوجلرینین ۵۳۰۰ دولاییندا عسگر ایتیردیگینی بیلدیرن مالیار، اوکراینا اوردوسونون روسیایا عاید ۲۹ اوچاق، ۲۹ هلیکوپتر، ۱۹۱ تانک، ۸۱۶ زرهلی ماشین، ۷۴ توپ و ۲ گمینی ووردوغونو بیلدیردی.
مالیار، روسیا گوجلرینین آیریجا بیر اوچاقسووار، ۲۱ گراد راکتآتار سیستمی، ۲۹۱ آراج، ۶۰ یاناجاق ماشینی، ۵ هاوا ساوونما سیستمی و ۳ انسانسیز هاوا آراجی الدن وئردیگینی، بو رقملره داوام ائدن چاتیشمالارین بیلگیلرینین داخیل ائدیلمهدیگینی قید ائتدی.