افغانیستان‌دا قویویا دوشن اوشاق حیاتینی ایتیردی
طالبان گئچیجی حکومتینین ایچ ایشلری باخانلیغی، سوسیال مئدیا حسابیندان، اوشاغین عائله‌سینه و افغانیستان خالقینا باش‌ساغلیغی دیله‌دی
افغانیستانین گونئیینده‌کی زابل ویلایتینده ۳ گون اؤنجه قویویا دوشن اوشاق حیاتینی ایتیردی.
طالبانین زابل مدنیت مودورو وکیلی شرافت ویار، زابلون جلدک بؤلگه‌سینده ۳ گون اؤنجه قویویا دوشن ۶ یاشینداکی اوشاغین چیخاردیلدیغینی سؤیله‌دی.
ساغلیق تیملرینین اوشاغا سیخیشدیغی یئرده مداخیله ائتدیگینی ایفاده ائد‌ن ویار، بونا باخمایاراق اوشاغین حیاتینی ایتیردیگینی ایفاده ائتدی.
ویار، طالبان مسئوللارینین، اوشاغین ساغ اولاراق قورتاریلماسی اوچون اللرین‌دن گله‌نی ائتدیگینی قید ائتدی.
اؤته یاندان، طالبان گئچیجی حکومتینین ایچ ایشلری باخانلیغی، سوسیال مئدیا حسابیندان، اوشاغین عائله‌سینه و افغانیستان خالقینا باش‌ساغلیغی دیله‌دی.
طالبان گئچیجی حکومتینین ساوونما باخان وکیلی ملا محمد یعقوب مجاهد و ایچ ایشلری باخانلیغی باش مشاویری انس حقانی، اوشاغی قورتارما ایشلرینی یاخیندان ایزله‌مک اوچون دونن بؤلگه‌یه گئتمیشدی.
ایلگیلی‌لی خبرلر
فاناتیک یهودیلر بیر داها الاقصی مسجیدینه باسقین ائدیب
ایسراییل قوه لرینین الاقصی مسجیدینه قارشی تخریبات‌لاری داوام ائدیر.
