امارات تورکیه-نی قرنطینه مجبوریتی اولان اولکه لر سیاهی سیندان چیخاریب
بیرلشمیش عرب امیرلیک‌لری ابوظبی-یه گیریشده قرنطینه طلب اولونان اؤلکه‌لر سیاهی‌سیندان تورکیه-نی چیخاریب.
بیرلشمیش عرب امیرلیک‌لری یئنی نوع کوروناویروس (کووید-19) اپیدمیسی ایله موباریزه چرچیوه‌سینده ابوظبی-یه گیریشده قرنطینه طلب اولونان اؤلکه‌لر سیاهی‌سیندان تورکیه‌نی چیخاریب.
تورکیه-نین ابوظبی-داکی سفیرلیگی توییتر حسابیندان ائتدیگی پای‌لاشیمدا "کووید-19" ایله موباریزه تدبیرلری چرچیوه‌سینده بیرلشمیش عرب امیرلیک‌لری طرفیندن حیاتا کئچیریلن سیاحت سیاهی‌سینی یئنی‌له‌دیگینی بیلدیریب.
پای‌لاشیمدا “فوریه‌نین 15-دن اعتباراً بیرلشمیش عرب امیرلیک‌لری صلاحیت لری طرفیندن تورکیه-نین ده داخیل اولدوغو بیر قروپ اؤلکه‌نین ابوظبی سیاحت‌لر اوچون قرنطینه طلبینی لغو ائدن یاشیل سیاهییا داخیل ائدیلدیگی آچیقلاندی” دئییلیب.
پای‌لاشیمدا تورکیه-دن ابوظبی-یه گئده‌جک شخص‌لردن اوچوش‌دان ان چوخ 48 ساعات اول منفی پی سی آر تستی ائتدیرمه‌لری‌نین ایسته‌نیله‌جگی و بو شخص‌لره ابوظبی-یه چاتدیقدا پی سی آر تستی‌نین تطبیقینه داوام ائدیله‌جگی قئید ائدیلیب.
بیلدیریلیب کی، تورکیه-دن ابوظبی-یه گئدن یولجولار آراسیندا 2 دوز "کووید-19" واکسنی تاماملایان‌لار 6-جی گون، آشی‌سینی تاماملامایان‌لار ایسه 6-جی و 9-جو گون‌لرده پی سی آر تستیندن کئچه‌جک‌لر.
قئید ائدک کی، بیرلشمیش عرب امیرلیک‌لری صلاحیت لیلری ژانویه‌نین 3-ده تورکیه ده داخیل اولماقلا بعضی اؤلکه‌لری یاشیل سیاهی‌دان چیخاریب. بو قرارلا "کووید-19" آشی سینی تاماملامایان‌لارا 10 گونلوک قرنطینه عهده لیگی قویولوب.
ایلگیلی‌لی خبرلر
حوثی لر:"ایسراییل گمیسینی ووردوق"
یمن-ده‌کی حوثی لر عدن کؤرفزینده ایسراییل گمیسینی ووردوق‌لارینی بیلدیریب‌لر.
