تورکیه ایله امارات آراسیندا ۱۳ آنلاشما ایمضالاندی
جمهورباشقانی اردوغان ایله ابوظبی ولیهعدی آل نهیان باشقانلیغینداکی هئیتلر آراسی گؤروشمهنین آردیندان ایکیلی آنلاشمالار ایمضالاندی
پرزیدنت رجب طیب اردوغان ابوظبی ولیعهدی شیخ محمد بن زاید اآل نهیانین دعوتی ایله ایکی گونلوک رسمی گؤروشلر اوچون بیرلشمیش عرب امیرلیکلرینه گئتدی.
اردوغانی ابوظبی هاوا لیمانیندا ابوظینین فدرال باخانی ثانی بن احمد الزیودی، تورکیهنین ابوظبیدهکی ائلچیسی توغای تونچار و دوبی باش کونسولو مصطفی ایلکار کیلیچ قارشیلادی.
داها سونرا قصر الوطنه گئچن اردوغان بورادا ولیعهد شیخ محمد بن زاید اآل نهیان طرفیندن رسمی مراسیمله قارشیلاندی. ایکی لیدئر مراسیمدن سونرا ایکیلی گؤروشمهیه گئچدی.
بو آرادا، جمهورباشقانی اردوغان ایله ابوظبی ولیهعدی آل نهیان باشقانلیغینداکی هئیتلر آراسی گؤروشمهنین آردیندان ایکیلی آنلاشمالار ایمضالاندی.
تورکیه جمهوریتی حکومتی ایله امارات حکومتی آراسیندا ساوونما صنایعی، ساغلیق، ایقلیم دییشیکلیگی، صنایع، تکنولوژی، مدنیت، اکینچیلیک، تیجارت، اقتصاد، قورو، دنیز تاشیماچیلیغی، گنجلیک، فاجعه رهبرلیگی، مئتئورولوژِی، ارتباط و آرشیو ساحهسینده ۱۳ آنلاشما ایمضالاندی.
گؤروشمهلرده ایکی اؤلکه آراسینداکی ایلیشکیلرین و امکداشلیغین گلیشدیریلمهسی کیمی مسئلهلرله یاناشی باریش و ثابتلیگین تاسیسی و قورونماسی آنلاییشی اساسیندا بؤلگهسل و اولوسلارآراسی گلیشمهلرین مذاکیره ائدجگی گؤزلنهیلیر.
ایکی اؤلکه آراسیندا باغلارین گوجلندیریلمهسینی نظرده توتان آنلاشمالارین ایمضالاناجاغی گؤروشمهلر چرچیوهسینده جمهورباشقانی آیریجا «اکسپو ۲۰۲۰ دوبی» سرگیسینه گئدهجک و تورکیه سرگی ساحهسینی گزهجک.
ایلگیلیلی خبرلر
حوثی لر:"ایسراییل گمیسینی ووردوق"
یمن-دهکی حوثی لر عدن کؤرفزینده ایسراییل گمیسینی ووردوقلارینی بیلدیریبلر.