تورکیه بمت-نی تنقید ائتدی

سوریه بحرانی اینسانی یاردیم ایله حل ائدیله بیلمز

تورکیه‌-نین بمت-دکی دایمی نوماینده‌لیگی‌نین موقتی ایشلر وکیلی اؤنجو کئچیلی سوریه-ده‌کی بحرانین اینسانی یاردیم ایله حل ائدیله بیلمه‌یه‌جگینی بیل‌دیره‌رک، "اینسانی یاردیم، کانسری یارا باندی ایله معالیجه ائتمه‌یه چالیشماق کیمی‌دیر" دئییب.

بمت تهلوکه‌سیزلیک شوراسی‌نین سوریه-ده‌‌کی اینسانی وضعیتی موذاکیره ائتدیگی ابجلاس دا چیخیش ائدن اؤنجو کئچیلی بمت-نین دونیانین بیر چوخ یئرینده داوام ائدن بحران‌لار قارشی‌سیندا “سونرا‌دان موداخیله حالینه" چئوریلدیگینی بیلدیریب.

اؤنجو کئچیلی بمت-نی "اینسانی یاردیم کانسری یارا باندی ایله معالیجه ائتمه‌یه چالیشماق کیمی‌دیر" دئیه تنقید ائدیب و دئییب کی، اولوسلار آراسی توپلوم پروبلئم‌لری اؤز قاپیلاریندان‌ اوزاق توتماق اوچون پول تؤکور.

بمت باش کاتیبی‌نین اینسانی یاردیم اوزره معاوینی مارتین گریفیتس ایسه ایللردیر داوام ائدن محاربه، یوخسوللوق و اپیدمیدن توکنمیش سوریه-لی لرین ایندی یئنی‌دن سرت قیشلا قارشیلاشدیق‌لارینی ایفاده ائده‌رک، 2 میلیون اینسانین اولدوغو اؤلکه‌نین قوزیی- باتی سیندا سویوقدا چادیرلاردا اولان سوریه-لیلرین شرط‌لری‌نین بو قیش موقتی ده اولسا یاخشیلاشدیریلماسی اوچون چاغیریش ائدیب.

نروژ قاچقین‌لار شوراسی‌نین باش کاتیبی یان اگلند “اونلار محاربه‌دن چیخیب جهنمه گئتدی‌لر” دئییب.