"ایرانا محتمل سالدیری اوچون حاضرلیقلاری آرتیردیق"
کوخاوی: اوردو، حربی نوکلئر تهدید اولان ایرانلا باشا چیخماق اوچون عملیاتی پلانلامانی و حاضرلیغی سرعتلندیریر
اسرائیل باش قرارگاه باشقانی آویو کوخاوی، ایرانین نوکلئر تاسیسلرینه قارشی اولاسی سالدیری حاضرلیقلارینی آرتیردیقلارینی سؤیله‌دی.
تایمز اف اسرائیلین خبرینه گؤره، کوخاوی، اسرائیل مجلیسی خاریجی ایلیشکی‌لر کمیسیونون‌دا ائتدیگی دانیشمادا،
"اوردو، حربی نوکلئر تهدید اولان ایرانلا باشا چیخماق اوچون عملیاتی پلانلامانی و حاضرلیغی سرعتلندیریر" دئدی.
حکومتین ۲۰۲۱-۲۰۲۲ بودجه پلانلارینین مجلیس‌دن گئچدیگینه ایشاره ائد‌ن کوخاوی، بودجه‌ده اوردویا آیریلان پایین ایرانین تهدیدلرینه اعتراض ائتمه ایمکانی اوچون اویغون اولدوغونو سؤیله‌دی.
اسرائیلین گئچه‌ن ایل بویونجا اورتا دوغودا بوتون وظیفه و گیزلی عملیاتلاردا "دوشمنلرینه" قارشی حرکت ائتدیگینه وورغو ائد‌ن کوخاوی،
"ایرانین نوکلئر تاسیسلرینه محتمل بیر سالدیری اوچون حاضرلیقلاری آرتیردیق" دئیه دانیشدی.
اؤته یاندان اسرائیل ساوونما باخانی بنی گانتس دا اؤلکه‌نین قوزئیینده‌کی شلومی قصبه‌سین‌ده بیر عسگری صنایع فابریکاسینین آچیلیشین‌دا ائتدیگی دانیشمادا ایرانی هدف آلدی.
یدیعوت اخرونوت قزئتینین خبرینه گؤره، گانتس،
"اسرائیل، ایران و وکیللرینین اسرائیلین عسگری اوستونلویونو بالتالاماسینا ایجازه وئرمه‌یه‌جک. حکومت، هر جور احتیمالا قارشی اویانیق و حاضر اولماق اوچون سرمایه‌لر قویور" ایفاده‌لرینی ایشلتدی.
