بحرین و مراکش، تل آویوده ائلچیلیک آچاجاق
"بحرین یاخین زاماندا تل آویوده ائلچیلیک آچاجاق، مراکش ده دیپلوماتیک هئیت سویهسینی ارتباط دفتریندن ائلچیلیگیه یوکسلدهجک"
1694026
اسرائیل، گئچهن ایل ایلیشکیلری نورماللاشدیرما آنلاشماسی ایمضالادیغی بحرین و مراکشین یاخین زاماندا باشکند تل آویوده ائلچیلیک آچاجاغینی بیلدیردی.
اسرائیل خاریجی ایشلر باخانلیغی سؤزچوسو حسن کعبیه، وئردیگی آچیقلامادا،
"بحرین یاخین زاماندا تل آویوده ائلچیلیک آچاجاق، مراکش ده دیپلوماتیک هئیت سویهسینی ارتباط دفتریندن ائلچیلیگیه یوکسلدهجک" دئدی.
خاریجی ایشلر باخانی یائیر لاپیدین گئچهن هفته مراکشه "تاریخی" بیر سفر گرچکلشدیردیگینی سؤیلهیهن کعبیه، مراکش خاریجی ایشلر باخانی ناصر بوریتانین دا اؤنوموزدهکی بیر نئچه هفته ایچینده تل آویوه گلهجگینی ایفاده ائتدی.