ایرانین یئنی جمهورباشقانی و چئوره‌سینده‌کی تحریم چنبری
جمهورباشقانی رئیسینین یانی سیرا، بیرینجی یاردیمچیلیغینا آتادیغی محمد مخبر ایله جمهورباشقانلیغی دفتری باشقانلیغینا گتیردیگی غلامحسین اسماعیلی ده تحریملر لیستینده
ایرانین یئنی جمهورباشقانی ابراهیم رئیسینین جمهورباشقانلیغی بیرینجی یاردیمچیلیغینا آتادیغی محمد مخبر ایله جمهورباشقانلیغی دفتری باشقانلیغینا گتیردیگی غلامحسین اسماعیلی، رئیسی کیمی تحریم لیستینده یئر آلیر.
ایران جمهورباشقانی ابراهیم رئیسینین دونن بیرینجی یاردیمچیلیغینا آتادیغی محمد مخبر، ۲۰۲۱.جی ایلین ژانویه آییندان بو یانا آمریکانین تحریم لیستینده یئر آلیرکن، جمهورباشقانلیغی دفتری باشقانلیغینا گتیریلن اسماعیلی ده اینسان حاقلاری پوزونتولاری سببی ایله ۲۰۱۱.جی ایلده‌ن بری آوروپا بیرلیگینین تحریم لیستینده‌دیر.
آمریکا خزانه باخانلیغی، ۲۰۲۱.جی ایلین ژانویه آیین‌دا وئردیگی آچیقلامادا، ایران لیدئری علی خامنه‌ای‌یه باغلی شکیلده فعالیت گؤستره‌ن و مخبرین باشقانی اولدوغو امام خمینی‌نین امرلرینی اجرا مرکزینین "سیاسی مخالفلر، دینی آزلیقلار و سورگون‌ده‌کی‌لر داخیل اولماق اوزره رژیم مخالفلرینه عاید تورپاقلاری و مولکلری اله گئچیردیگینی" ادعا ائدرک، مرکزین و ایداره‌چیلرینین تحریم لیستینه آالیندیغینی آچیقلادی.
آوروپا بیرلیگی شوراسی دا اسماعیلی حاقیندا گتیردیگی "سیاحت قاداغاسی و وارلیقلارینین دوندورولماسی" کیمی قرارلاری ایچرن تحریملرین ۱۳ آوریل ۲۰۲۲.جی ایله قدر اوزادیلدیغینی آچیقلامیشدی. جمهورباشقانی رئیسی ایسه، "۱۹۷۹.جو ایل انقلابین‌دان سونرا سیاسی محبوسلارین اعدام ائدیلمه‌سین‌ده و ۲۰۰۹.جو ایلده‌کی سوسیال چالخانتیلارین باسدیریلماسین‌دا اوینادیغی رول" ندنی ایله ۲۰۱۹.جو ایلین نوامبر آیین‌دا آمریکا طرفیندن تحریم لیستینه آلینمیشدی.
