افغان قوهلری سون 4 گونده 6 ویلایتین نظارتینی ایتیریب
افغانیستان حکومت قوهلرینین سون 4 گونده "طالبان"ا قارشی نظارتی ایتیردیگی ایالت مرکزلرینین سایی 6-یا چیخیب.
افغانیستان حکومت قوهلرینین سون 4 گونده "طالبان"ا قارشی نظارتی ایتیردیگی ایالت مرکزلرینین سایی 6-یا چیخیب.
امریکانین رهبرلیک ائتدیگی ناتو قوهلرینین چیخما قراری و افغانیستان رهبرلیگینین "طالبان"لا داوام ائدن باریش دانیشیقلارینین اوغورسوزلوغوندان سونرا، "طالبان" طرفیندن می آییندا باشلادیلان شدتلی هوجوملار سرعت قازانیب.
"طالبان" سون دؤرد گونده بیری اؤلکهنین گونئی-باتی سیندا، دیگر بئشی قوزیی و قوزیی-دوغوسوندا اولماقلا جمعی 6 ویلایت مرکزینین نظارتینی افغانیستان حکومت قوهلریندن آلیب.
افغانیستان حکومتی 34 ایالت مرکزیندن 28-نه هله ده نظارت ائدیر.
"طالبان"ین نظارتینده اولان بؤلگهلرده ایلک حرکتلریندن بیری ده حبس خانالاردا اولان بوتون محبوس لاری آزاد ائتمکدیر.
ایلک اولاراق ایران سرحدیندکی نیمروز ایالتینین مرکزی اولان زرنجی اله کئچیرن "طالبان" داها سونرا قوزیی ده جوزکان ایالتینین مرکزی، شبرغان، سرپل، قندز، قوزیی –دوغودا تخار ویلایتینین مرکزی تالقانی، بو گون سمنگان ایالتینین مرکزی اولان ایبکه نظارتی اله کئچیریب.
ایبکین کئچیریلمهسی ایله پایتاخت کابل-ین قوزیی یندهکی شهرلره قورو یولو ایله نقلیات ایشی سونا چاتیب.
"طالبان"ین قوزیی باغلایاراق حکومت قوهلرینین قوزییدهکی قونشولاریندان کؤمک آلماسی احتیمالینی اورتادان قالدیرماغا اوستونلوک وئردیگینه اینانیلیر.
افغانیستان حکومت قوهلری اؤلکهنین 407 شهرینین تخمینن یاریسینا نظارتی "طالبان" قوهلرینه وئریب.
ایلگیلیلی خبرلر
افغانیستاندا هلیکوپتر دوشدو
غور ویلایتینین فیروز کوه شهرینده عسگری هلیکوپتر، هریرود چایینین ساحلینه دوشدو