اسرائیل، ایرانین قینانماسی و تحریم ائدیلمهسینی ایستهدی
اسرائیللی ائلچی اردان، ایرانین قطعی بیر شکیلده قینانماسی و بو چیرکین حرکتی ایشلهیهنلرین جزالاندیریلماسی چاغریسی ائتدی
اسرائیل، بیرلشمیش ملتلر گوونلیک شوراسیندان اولوسلارآراسی سولاردا گوونلیگی تهدید ائدن بیر دؤولت اولدوغو سوچلاماسییلا ایرانین قینانماسینی و علیهینده تحریم تطبیق اولونماسینی ایستهدی.
اسرائیللی ائلچی گیلاد اردان گوونلیک شوراسینا سوندوغو رسمی شیکایت یازیسیندا، ۲۹ جولایدا تانزانیادان بیرلشمیش عرب امرلیکلرینه گئدرکهن هیند اقیانوسوندا تشکیل ائدیلهن سالدیری نتیجهسینده "مرسر استریت" آدلی گمیسینین ۲ خدمهسینین اؤلدورولمهسیندن ایرانی سوروملو توتدو.
بو جور حرکتلرین بؤلگهنی ثابیتسیزلشدیردیگینی وورغولایان اردان، ایرانین قطعی بیر شکیلده قینانماسی و بو چیرکین حرکتی ایشلهیهنلرین جزالاندیریلماسی چاغریسی ائتدی.
اسرائیللی شیرکته عاید بیر گمی، ۲۹ جولادا تانزانیادان اماراتا گئدرکهن هیند اقیانوسوندا سالدیرییا اوغرامیش و بیر اینگیلیس و بیر رومانیا وطنداشی خدمه حیاتینی ایتیرمیشدی.
سالدیریدا بیر وطنداشی اؤلن اینگیلتره و رومانینین یانیندا آمریکا و اسرائیل ده فاعلین ایران اولدوغو نتیجهسینه واردیقلارینی آچیقلامیشدی.