یمن-ده 26 حوثی اؤلدورولوب
یمن اردوسو و سعودی عربیستانینین رهبرلیک ائتدیگی عرب کوالیسیون قوهلری ایله ایرانین دستکلهدیگی حوثی لر آراسیندا قارشیدورمالار باش وئریب.
یمن اردوسو و سعودی عربیستانینین رهبرلیک ائتدیگی عرب کوالیسیون قوهلری ایله ایرانین دستکلهدیگی حوثی لر آراسیندا قارشیدورمالار باش وئریب.
یمن اردوسو یانیندا مطبوعات خیدمتیندن یاییلان معلوماتا گؤره حوثی لر ماریب شهرینین باتی سیندا یئرلشن سرواح قصبهسینده اردونون نظارتینده اولان موضع لره هوجوم تشکیل ائدیبلر. طرفلر آراسینداکی قارشیدورمادا 26 حوثی اؤلدورولوب.
حوثی لرین المسیره تلویزیون کانالی ایسه کوالیسیون قوهلرینه مخصوص دؤیوش طیارهلرینین ماریب شهرینین سرواح قصبهسینه 24، راگوان و مدگال قصبهلرینه ایسه 5 هاوا ضربه سی ائندیردیکلرینی، ماریب-ده شدتلی قارشیدورمالارین هله ده داوام ائتدیگینی بیلدیریب.
رسمی یمن خبر آژانسینین یاییملادیغی آچیقلامایا گؤره یمن-ین باش ناظیری معین عبدالملک ایسه بیرلشمیش میللتلر تشکیلاتی (بمت) و اولوسلار آراسی جمعیتی، اؤلکهدهکی محاربهنین داوام ائتمهسی اوچون هئچ نهدن ایمتینا ائتمهین ایرانا قارشی سرت تدبیرلر گؤرمهیه چاغیریب.