اسرائیل ایله حماس آراسیندا آتیشکس
حماس سؤزچوسو سامی ابوزهری ده اسرائیل ایله غزهده آتیشکسین یئرلی ساعاتلا بو گئجه ۰۲.۰۰ده باشلایاجاغینی تصدیقلهمیشدی
اسرائیل ایله حماس آراسیندا مصرین آراچیلیغیندا واریلان، "قارشیلیقلی و ائش زامانلی اولماسی" قرارلاشدیریلان آنلاشما، ۰۲.۰۰ده قوهیه میندی.
اسرائیل مطبوعاتیندا یئر آلان خبرلرده، اسرائیل گوونلیک کابینهسینین محاصره آلتینداکی غزهده ۱۰ میدن بو یانا داوام ائدن سالدیریلارا سون وئریلهرک آتیشکسه گئدیلمهسی اوچون ائدیلهن سس وئرمهیی قبول ائتدیگی بیلدیریلمیشدی.
حماس سؤزچوسو سامی ابوزهری ده اسرائیل ایله غزهده آتیشکسین یئرلی ساعاتلا بو گئجه ۰۲.۰۰ده باشلایاجاغینی تصدیقلهمیشدی.
اسرائیل ساواش اوچاقلاری آتیشکسه بیر ساعت قالا غزهیه قارشی سالدیریلار دوزنلهمهیه داوام ائتمیشدی.
اسلامی جهاد حرکتینین سلاحلی قانادی قدس توغایلاری دا سالدیریلارا قارشیلیق غزه اطرافینداکی بؤلگهلره راکت آتدیقلارینی آچیقلامیشدی.
اؤته یاندان، آتیشکس آنلاشماسینین قوهیه گیرمهسینین آردیندان، غزه و ایشغال آلتینداکی اردن چایینین باتی ساحلیندهکی فلسطینلیلر، کوچهلره چیخاراق سئوینج گؤستریسی تشکیل ائتدی.
غزهنین مختلف شهرلرینده یوزلرله گنج باشدا رامالله اولماق اوزره اردن چایینین باتی ساحلیندهکی شهرلرده کوچهلره چیخاراق، غزهدهکی فلسطین مقاومت قروپلارینا دستک شعارلاری وئریلدی.
فلسطینلی گنجلر، "راماللهدان شرفلی غزهمیزه سلام اولسون"، "فتح، اسلامی جهاد و حماس. بیرلیگینیز بیزی غرورلاندیردی" شکلینده شعارلار وئررهک آتیشکسدن دولایی سئوینجلرینی ایفاده ائتدی.
غزهیه قارشی ۱۰ میدن بو یانا داوام ائدن اسرائیل سالدیریلاریندا ۶۵ی اوشاق، ۳۹و قادین ۲۳۲ فلسطینلی حیاتینی ایتیردی.
ایلگیلیلی خبرلر
یونانین مودافیعه ناظیری: تورکیه گمیقاییرماچیلیق ساحهسینده ایرلیده
نیکوس دندیاس یونان حربی دنیز قووهلرینین ایقتصادی بؤحران دؤورونده گئری قالدیغینی بیلدیریب