لاوروو:"روسیا-تورکیه موناسیبتلری چوخ زنگیندیر"
روسیانین خاریجی ایشلر ناظیری سئرگئی لاوروو “والدای” اولوسلار آراسی تارتیشما کلوبونون اورتا دوغو ایله باغلی کئچیردیگی کنفرانسدا چیخیش ائدیب.
تورکیه ایله موناسیبتلر توتولمو و زنگیندیر".
بونو روسیانین خاریجی ایشلر ناظیری سرگئی لاوروو "والدای" اولوسلار آراسی تارتیشما کلوبونون اورتا دوغو ایله باغلی کئچیردیگی کنفرانسدا چیخیشیندا بیلدیریب.
لاوروو "تورکیه ایله موناسیبتلریمیزه دیر وئریریک، تورکیه-لی همکارلاریمیزلا هر زامان بیزی و اونلاری قانع ائدن حلی تاپا بیلیریک" دئییب.
تورکیه ایله بیر چوخ اورتاق لاییحهنین حیاتا کئچیریلدیگینی وورغولایان لاوروو "هم یوکسک سویهده تماسلار، هم ده گوندهلیکده اولان مسئلهلرین مضمونو باخیمیندان روسیا-تورکیه موناسیبتلری چوخ توتوملو و زنگیندیر" دئیه بیلدیریب.
ایکی اؤلکه آراسیندا عینی موضعدن چیخیش ائدیلمهین مسئلهلرین آز اولمادیغینی وورغولایان لاوروو دئییب:
"لاکین بیز موناسیبتلریمیزی قیمتلندیریریک. چونکی تورکیه-لی همکارلاریمیزلا هر زامان بیزی و اونلاری قانع ائدن حلی تاپا بیلیریک. بو، هم پرزیدنتلرین، هم ده خاریجی ایشلر ناظیرلرینین گؤروشلری اوچون خاراکتئریکدیر".
لاوروو داها اول روسیا ایله تورکیه آراسیندا سوریه-ده ادلیب گرگینلیگی آزالتما بؤلگهسی ایله علاقهدار داها اول راضیلاشما ایمضالاندیغینی خاطیرلاداراق، تورکیه-نین موقاویلهدهکی عهدهلیکلرینی بیر داها تصدیقلدیگینی سؤیلهدی.
سوریه-ده کی M4 یولو ایله علاقهدار راضیلاشمانین تطبیقی ایله باغلی ایشلرین ده داوام ائتدیگینی ایفاده ائدن لاوروو، راضیلاشمانین بو یول اطرافیندا تهلوکهسیز بیر بؤلگه قورولماسینی و تورکیه-روسیا بیرگه مشترک گشت لرینی احاته ائتدیگینی وورغولایاراق، راضیلاشمانین حیاتا کئچیریلهجگینی ایفاده ائدیب.