ارمنیستاندا بحران داوام ائدیر
اؤلکهدهکی حقوقچولارا گؤره، باشباخانین اونایلادیغی قرارنامه، قانونلارا اساساً ۳ گوندن سونرا اتوماتیک اولاراق رسمیلشهبیلیر
![ارمنیستاندا بحران داوام ائدیر](http://cdn.trt.net.tr/images/xlarge/rectangle/d56f/05b1/21a2/6037b073ac6ce.jpg?time=1718706070)
ارمنیستان جمهورباشقانی آرمن سارکیسیان، باشباخان نیکول پاشینیانین باش قرارگاه رئیسی اونیک قاسپاریانی وظیفهدن آلماسینا دایر قرارنامهنی گئری گؤندردی.
ارمنیستان جمهورباشقانلیغینین وئردیگی آچیقلامادا، باش قرارگاه رئیسی قاسپاریانین استعفاسی قرارینین سبب اولدوغو سیاسی بحرانین حل اولونماسینا وورغو ائدیلدی.
جمهورباشقانینین بو چرچیوهده باشباخان پاشینیان، قاسپاریان و سلاحلی قوهلر باشچیلاری ایله گؤروشدوگو بیلدیریلن آچیقلامادا،
"جمهورباشقانی قرارنامهنی ایمضالاماماغا قرار وئردی" ایفادهسی ایشلدیلدی.
سارکیسیانین مسئله ایله باغلی آنایاسا محکمهسینه مراجعت ائدجگی، اؤلکهدهکی حقوقچولارا گؤره، باشباخانین اونایلادیغی قرارنامه، قانونلارا اساساً ۳ گوندن سونرا اتوماتیک اولاراق رسمیلشهبیلیر.
بو دورومدا باش قرارگاه رئیسی قاسپاریانین ۴ مارسدا وظیفهسیندن آیریلاماسی گؤزلهنیلیر.