قطر ایله سعودیه عربیستانی آراسیندا بحران‌دان سونرا ایلک دیپلوماتیک گوروش رئاللاشیب
قطر خبر آژانسی"قنا"نین معلوماتینا گؤره، سلطان بن سعد المریخی پایتاخت دوحه-ده‌کی اوفی‌سینده سعودیه عربیستانی‌نین موقتی ایشلر وکیلی علی سعد الکاهتانینی قبول ائدیب.
قطرین خاریجی ایشلریندن مسئول دؤولت ناظیری سلطان بن سعد المریخی سعودیه ربیستانی‌نین موقتی ایشلر وکیلی علی سعد الکاهتانی ایله کؤرفز بحرانیندان سونرا ایلک دیپلوماتیک گؤروشو رئاللاشدیریب.
قطر خبر آژانسی"قنا"نین معلوماتینا گؤره، سلطان بن سعد المریخی پایتاخت دوحه-ده‌کی اوفی‌سینده سعودیه عربیستانی‌نین موقتی ایشلر وکیلی علی سعد الکاهتانینی قبول ائدیب.
قطر و سعودیه عربیستانی صلاحیت‌لی‌لری آراسیندا کؤرفز بحرانیندان سونرا ایلک دیپلوماتیک گؤروشون کئچیریلدیگی بیلدیریلن خبرده "ایکی دوست اؤلکه آراسینداکی امکداش‌لیق موذاکیره ائدیلدی و علاقه‌لر نظردن کئچیریلدی" ایفاده‌سی یئر آلیب.
سعودیه عربیستانی صلاحیت‌لی‌لری ایسه دوحه-ده‌کی سفیرلیگین یاخین زاماندا یئنی‌دن فعالیته باشلایاجاغینی آچیقلاییب.
دیگر طرف‌دن، قطر ایله سعودیه عربیستانی آراسیندا 14 فوریه تاریخیندن اعتباراً ابو سمرا سرحد-کئچید منطقه‌سیندن یئنی نوع کوروناویروس (کووید-19) تدبیرلرینه عمل ائدیله‌رک تیجارت فعالیت‌لری‌نین باشلایاجاغی وورغولانیب.
قئید ائدک کی، سعودیه عربیستانی، بیرلشمیش عرب امیرلیک‌لری، بحرین و میصر 5 ژوئن 2017-جی ایل تاریخینده "ترور قروپ‌لارینی دستکله‌مکده" اتهام ائده‌رک، قطرله بوتون دیپلوماتیک موناسیبت‌لرینی کسمیش و بو اؤلکه‌یه اقتصادی تحریم تطبیق ائتمه‌یه باشلاییب.
قطر اتهام‌لاری رد ائتسه ده، بو، کؤرفز بؤلگه‌سینده بحرانا سبب اولموش‌دور.
بحرانا سون قویما سعی‌لری ایلین اولینده نتیجه وئریب.
کویت-ین خاریجی ایشلر ناظیری احمد ناصر المحمد الصباح 4 ژانویه ده سعودیه عربیستانی ایله قطر آراسیندا قورو، دنیز و هاوا سرحدلری‌نین آچیلماسی باره‌ده راضیلیغین الده ائدیلدیگینی اعلان ائدیب.
بو آرادا، پایتاخت دوحه-ده ایسپانیانین خاریجی ایشلر ناظیری گونزالس لایانی قوناق ائدن قطرین خاریجی ایشلر ناظیری محمد بن عبدالرحمن آل ثانی بؤلگه‌دکی گرگین‌لیگی آزالتماق اوچون گؤستریلن سعی‌لر چرچیوه‌سینده امریکا و ایران ایله گؤروش‌لرین داوام ائتدیگینی سؤیله‌ییب.
