عربستان و قطر بوتون سرحدلری آچیر
"عربستان و قطر آراسیندا قورو، هاوا و دنیز سرحدلرینین آچیلماسی قونوسوندا راضیلیق ائلده ائدیلدی"
1557443
قطر ایله سعودی عربیستان بو گئجهدن اعتبارا بوتون سرحدلرین آچیلماسی قونوسوندا آنلاشدی.
کویت خاریجی ایشلر باخانی احمد ناصر محمد الصاباح وئردیگی آچیقلامادا کویت امیری شیخ نواف الاحمد الجابر الصباحین قطر امیری شیخ تمیم بن حمد آل ثانی و سعودی عربستان شاهزادهسی محمد بن سلمان ایله تلفوندا دانیشدیغینی بیلدیردی.
کویت خارجی ایشلر باخانی:
"عربستان و قطر آراسیندا قورو، هاوا و دنیز سرحدلرینین آچیلماسی قونوسوندا راضیلیق ائلده ائدیلدی" دئدی.
عربستان، بیرلشمیش عرب امیرلیکلری، مصر و بحرین ۲۰۱۷.جی ایلین ۵ ژوئن تاریخینده قطر ایله دیپلوماتیک ایلیشکیلری کسمیشدی و بو اؤلکهیه اقتصادی تحریم تطبیق ائتمهیه باشلامیشدی.