ایرانلی دین آدامیندان خامنهاییه آغیر سوچلاما
محمود امجد، خامنهاینی "۲۰۰۹دان بو یانا اؤلکهده تؤکولهن قانلارین بیرباشا مسئولو" آدلاندیردی
ایرانداکی اصلاحاتچی کیملیگی ایله تانینان اؤلکهنین آپاریجی دین آداملاریندان اولان آیتالله محمود امجد، اعدام ائدیلن مخالف ژورنالیست روح الله زمی "شهید" آدلاندیردی و ایران لیدئری آیتالله خامنهاینی آغیرسؤزلرله تنقید ائتدی.
امجد یاییملادیغی بیر ویدیودا، روح الله زمین اؤلکهدهکی اعتراضلاری تحریک و تشدید ائتدیگی اتهامی ایله اعدام ائدیلمهسینین حاقسیز حتی اونون "شهید" اولدوغونو سؤیلهدی.
ایران لیدئرینی سرت سؤزلرله تنقید ائدن امجد، خامنهاینی "۲۰۰۹دان (دارتیشمالی جمهورباشقانلیغی سئچکیلریندن سونرا باش وئرمیش اعتراضلار) بو یانا اؤلکهده تؤکولهن قانلارین بیرباشا مسئولو" آدلاندیردی و "بوتون روحانیلر و علمانی بو وحشته سسسیز قالماماغا" چاغیردی.
اؤلکه یؤنتیمینده بؤیوک خطالارا یول وئریلدیگینی دئیهن امجد بو خطالارین "تکبر"دان قایناقلاندیغینی سؤیلهدی. امجد خامنهاینی "توبه ائتمهیه و اصلاحاتلار آپارماغا" چاغیردی.
ایراندا اخلاق و عرفان تدریس ائدن دین آدامی آیتالله امجد، ۲۰۰۹داکی جمهورباشقانلیغی سئچکیلرینه اعتراض اولاراق ائدیلن گؤستریلرده گؤستریچیلره قارشی گوج استفاده ائدیلمهسینه تپکی وئردی. ۲۰۰۹دا ایرانی ترک ائدرک مالزییه گئدن امجد یئنیدن ۴ ایل سونرا اؤز اؤلکهسینه قاییتدی.
مخالف ژورنالیستین اعدام ائدیلمهسی
ایراندا نظاما قارشی اعتراضلاری قیزیشدیرماق اتهامی ایله انقلاب محکمهسی طرفیندن اؤلومه محکوم ائدیلن مخالف ژورنالیست روح الله زم، دسامبرین ۱۲سینده اعدام ائدیلمیشدی.
آنادولو آژانسی
ایلگیلیلی خبرلر
یونانین مودافیعه ناظیری: تورکیه گمیقاییرماچیلیق ساحهسینده ایرلیده
نیکوس دندیاس یونان حربی دنیز قووهلرینین ایقتصادی بؤحران دؤورونده گئری قالدیغینی بیلدیریب