ایران: "آذربایجانین اراضی بوتؤولوگونه حرمت گؤستریلمهلیدیر"
ایران خاریجی ایشلر ناظیرلیگینین مطبوعات کاتیبی سعید خطیبزاده آذربایجانین اراضی بوتؤولوگونه حرمت گؤستریلمهسینین واجیبلیگینی وورغولاییب.
ایران خاریجی ایشلر ناظیرلیگینین مطبوعات کاتیبی سعید خطیبزاده آذربایجانین اراضی بوتؤولوگونه حرمت گؤستریلمهسینین واجیبلیگینی وورغولاییب.
خطیب زاده تشکیل ائتدیگی مطبوعات کنفرانسیندا آزبایجان ایله ائرمنیستان آراسینداکی قارشیدورمالاری قیمتلندیریب.
ایران اوزریندن ائرمنیستانا سلاح گؤندریلیب-گؤندریلمهدیگی ایله باغلی سوالی جاوابلاندیران خطیب زاده بونو داها اوول ده رد ائتدیکلرینی ایفاده ائدیب. خطیب زاده ایران ایله ائرمنیستان آراسینداکی مسیرین یالنیز اینسانی ماتئریاللار اوچون ایستیفاده ائدیلدیگینی و بو مسیر اوزریندن حربی اتومبیل لرین کئچمسینه ایجازه وئریلمهدیگینی دئییب.او، بو مسئله نین ایرانین پرینسیپیال سیاستی ایله باغلی اولدوغونو دئییب.
ائرمنیستانا داغلیق قاراباغداکی ایشغالینی سونا چاتدیرماسی ایله باغلی چاغیریش ائدن خطیب زاده بیلدیریب کی، ایران پروبلئمین موقتی دئییل، همیشهلیک حل ائدیلمه سینی آرزولاییر.آذربایجانین اراضی بوتؤولوگونه حرمت گؤستریلمهلیدیر و ائرمنیستان قوه لری ایشغال ائتدیکلری شهرلردن چیخمالیدیرلار.
خطیب زاده همچنین ایرانین داغلیق قاراباغداکی وضعیتی دقتله ایزلهدیگینی ایفاده ائدیب.