دوغو اؤلکه‌لرینده کروناویروسلا باغلی سون وضعیت
ایرانین کئچمیش دمشق سفیری،دیپلومات و پارلامنتین کئچمیش عضوو حسین شیخ الإسلام کروناویروس‌دان اؤلوب.
ایرانین کئچمیش دمشق سفیری،دیپلومات و پارلامنتین کئچمیش عضوو حسین شیخ الإسلام کروناویروس‌دان اؤلوب.
تهران میللت وکیلی، ایسلامی کوالیسیون پارتیسی‌نین مرکزی شورا عضوو فاطمه رهبر ایسه کووید-19 سببیله کوما وضعیتینده‌دیر.
دیگر بیر تهران میللت وکیلی ایلاهیانین دا تست‌لری‌نین مثبت چیخماسی ایله ویروسا یولوخان میللت وکیل لرین سایی 24-ا چیخیب.
اؤلکه‌نین تعطیل بؤلگه‌لرین‌دن اولان مازندران و گیلان ایالت‌لری (کووید-19) تدبیرلری چرچیوه‌سینده گیریش‌لره باغلانیب.
ایشغال آلتیندا اردن چایی‌نین غرب ساحلینده 7 فیلیسطین‌لیده یئنی نوع کروناویروس (کووید-19) آشکارلانیب.
فیلیسطین ساغلیق ناظیرلیگی مارسین 5-ده بیر هتل ین ایشچی‌لریندن بیرینده کووید-19 شوبهه‌سی اولدوغونا گؤره بوتون اردن چایی‌نین غرب ساحلینده فوق العاده وضعیت اعلان ائدیلدیگینی و بیت الحلم و اریها شهرلرینده بوتون تحصیل موسسه‌لری، مسجیدلر و کیلسه‌لرین 14 گون مودتینه باغلاندیغینی آچیقلاییب.
ایشغال آلتینداکی دوغو قودس-ده یئنی تیپ کروناویروس (کووید-19) سببیله مسجیدالقصی هر نامازدان سونرا ایستریلیزه ائدیلمه‌یه باشلانیب.
قودس ایسلام وقف‌لری ایداره‌سیندن وئریلن یازی‌لی آچیقلامادا فیلیسطین ساغلیق ناظیرلیگی‌نین توصیه‌سی ایله مسجیدالقصی اطرافینداکی مسجیدلرین دونیا ساغلیق تشکیلاتی طرفیندن معین ائدیلن ماده‌لرله ایستریلیزه ائدیله جگی بیلدیریلیب.
غزه-ده رفح سرحد-کئچید منطقه‌سیندن گیرن‌لر قورویوجو تدبیرلر چرچیوه‌سینده 14 گون مودتینده ائولرینده قرنطینه ده اولا‌جاق‌لار.
سعودیه عربیستانی یئنی نوع کروناویروس (کووید-19) سببیله معین یئرلرین باغلاناجاغینی و مسجیدالحرام-دا یالنیز نماز قیلیناجاغینی آچیقلاییب.
"روسیانین داووس " کیمی تانینمیش، اؤلکه‌نین ان اهمیت‌لی اولوسلار آراسی تدبیری کیمی خاراکتئریزه ائدیلن پترزبورگ اولوسلار آراسی ایقتیصادی فورومو (SPIEF) کووید-19 اپیدمیاسینا گؤره لغو ائدیلیب.
