اوکراینانین یئنی باش ناظیری دنیس شمگال اولدو
اوکراینانین عالی راداسی بو گون فوق العاده ایجلاسدا باش ناظیرین کئچمیش معاوینی دنیس شمگال حکومت باشچی‌سی تعیین ائدیب.
1372501
اوکراینا عالی راداسی‌نین ایجلاسیندا کئچیریلن سس وئرمه‌ده باش ناظیر اولکسی هونچاروک ون ایستعفا عریضه سی قبول ائدیلیب.
اولکسی هونچاروک ون صلاحیت مودتی باشا چاتدیغی اوچون ناظیرلر کابینه سی ده بوراخیلیب.
داها سونرا دؤولت باشچی‌سی ولادیمیر زیلنسکی‌نین باش ناظیر پوستونا نامیزدلیگینی ایره‌لی سوردوگو دنیس شمگال اوچون عالی رادادا ایکینجی دفعه سس وئرمه کئچیریلیب.
شمگال ین باش ناظیر پوستونا تعیین اولونماسی 291 میللت وکیلی نین سس چوخ‌لوغو ایله تصدیقلنیب.
باش ناظیر شمگال ین تقدیم ائتدیگی ناظیرلر کابینه سی‌نین عضو‌لری ده پارلامئنت طرفیندن قبول ائدیلیب.
قئید ائدک کی، 45 یاشلی یئنی باش ناظیر دنیس شمگال بوندان اول باش ناظیرین معاوینی وظیفه‌سینده چالیشیب.
