روسیا اوکراینانین ساواش گمیلرینی تحویل وئریر
روسیا قارا دنیزده کرچ بوغازیندا ضبط ائتدیگی حربی گمیلرینی نوامبرین 18-ده اوکراینایا تحویل وئرهجک
روسیا قارا دنیزده کرچ بوغازیندا ضبط ائتدیگی ساواش گمیلرینی نوامبرین 18-ده اوکراینایا تحویل وئرهجک.
روسیا فدرال تهلوکهسیزلیک خیدمتینین آچیقلاماسینا گؤره، روسیانین کرچ بوغازیندا ضبط ائتدیگی 3 اوکراینا گمیسینی تحویل وئریلمک مقصدیله کئرچ بوغازیندان آیریلیب.
آچیقلامادا بیلدیریلیب کی، اوکراینا ایله قبول ائدیلن راضیلاشمایا گؤره "نیکوپول"، "یانی کاپو" و "بردیانسک" ساواش گمیلری 10 نوامبردا قرار قبول ائدیلن یئرده تحویل وئریلهجک.
قئید ائدک کی، روس ساواش گمیلری کئچن ایل نوامبر آیینین آخیریندا قارا دنیزده کرچ بوغازی یاخینلیغیندا ساحل سولارینی پوزدوغو ادعاسی ایله اوکراینا دونانماسینا مخصوص 3 گمینی ضبط ائتمیش و گمی هئیتینی ساخلامیشدی.
اولوسلار آراسی دنیز حقوق محکمهسی می آییندا روسیانین ضبط ائتدیگی ساواش گمیسی و 24 گمی هئیتینین سربست بوراخیلماسی بارهده قرار قبول ائتمیشدی.
روسیا ایله اوکراینا آراسیندا کرچ بوغازی بحرانیندان سونرا ساخلانیلان 24 اوکراینالی دنیزچینین ده آرالاریندا اولدوغو اسیر و محکوملارین موبادیلهسی سپتامبردا رئاللاشمیشدی.
ایلگیلیلی خبرلر
غزهده اؤلنلرین ساییسی آرتیر
غزه یولاغینا سون ۲۴ ساعاتدا تشکیل ائدیلهن ۵ سالدیریدا ۴۷ فیلیسطینلی داها حیاتینی ایتیردی