عراق-دا داوام ائدن اعتراض آکسیالاریندا 104 نفر اؤلوب
عراق-دا اوکتبرین 1-دن بری حکومت علیهینه کئچیریلن اعتراض آکسیالاریندا 104 نفر اؤلوب، 6 مین 107 نفر یارالانیب.
عراق-دا اوکتبرین 1-دن بری حکومت علیهینه کئچیریلن اعتراض آکسیالاریندا 104 نفر اؤلوب، 6 مین 107 نفر یارالانیب.
عراق ایچ ایشلر ناظیرلیگینین سؤزچوسو سعد مان پایتاخت باغداددا اوکتبرین 1-دن بری حکومت علیهینه کئچیریلن اعتراض آکسیالاری ایله باغلی مطبوعات کنفرانسیندا آچیقلاما وئریب.
مان 1 اوکتبر تاریخیندن اعتباراً باغداد و گونئی شهرلرینده حکومت علیهینه نوماییشلرده جمعی 104 نفرین، او جملهدن سیویل و تهلوکهسیزلیک ایشچیلرینین اؤلدورولدوگونو ایفاده ائدیب.
آکسیالار زامانی 51 دؤولت و اؤزل قورومون یاندیریلدیغینی بیلدیرن مان 8 پارتی بیناسینا دا اود وورولدوغونو قئید ائدیب.
ناظیرلیک سؤزچوسو مان آیریجا ایکی پولیس نظارت منطقهسینین یاندیریلدیغینی دا دئییب.
دیگر طرفدن، عراق رهبرلیگی نوماییشچیلره و تهلوکهسیزلیک قوهلرینه قارشی زوراکیلیق تطبیق ائدنلره قارشی ایستینتاق ایشلرینین باشلانماسینین واجیبلیگینی بیلدیریب.
عراق پرزیدنتینین مطبوعات اوفسینین وئردیگی معلوماتا گؤره، پرزیدنت برهم صالح باغداددا مجلیس صدری محمد الحالبوسی و عالی محکمه شوراسینین صدری فایک ضیدان ایله گؤروشوب.
اجتماعی تهلوکهسیزلیگین قورونماسینین واجیبلیگینه ایشاره ائدن صالح و حالبوسی نوماییشچیلره و تهلوکهسیزلیک قوهلرینه قارشی آراشدیرمالارین آپاریلماسینین ضروریلیگینی وورغولاییبلار.
گؤروشده بعضی تلویزیون کانال لارینا نامعلوم شخصلرین هوجوملاری ایله باغلی ایستینتاقین آپاریلماسینین ضروریلیگی ده دیله گتیریلیب.