روحانی، بیرلشمیش میللتلری تنقید ائتدی

ایران پرزیدنتی حسن روحانی، بیرلشمیش میللتلر تشکیلاتینی ایسراییلین فیلیسطین، سوریه، لبنان و عراق‌داکی سالدیریلارینا قارشی سس‌سیز قالخماقلا سوچلادی.

ایران جمهورباشقانلیغیندان وئریله‌ن معلوماتا گؤره، بیرلشمیش میللتلرین ۷۴.جو باش قورولو توپلانتیلاری چرچیوه‌سین‌ده آمریکا بیرلشمیش دؤولتلرینین نیویورک شهرین‌ده اولان روحانی و بیرلشمیش میللتلر باش کاتیبی آنتونیو گوترش بؤلگه‌ده‌کی گلیشمه‌لری اله آلدی.

روحانی، بیرلشمیش میللتلر ایله ائدیلن امکداش‌لیق سایه‌سین‌ده سوریه و یمن بحرانین‌دا ایر‌لیله‌مه قید ائدیلدیگینی بیلدیره‌رک ایرانین بو یؤنده‌کی ایشلرینی داوام ائتدیرمه‌یه حاضر اولدوغونو ایفاده ائتدی.

آمریکانین ایرانا قارشی تحریملرینی تنقید ائد‌ن روحانی،

"ایران، بو پروبلئمی ده اؤنجه‌کیلر کیمی گئچه‌جک‌دیر آنجاق بو اوتانج تاریخه دوشه‌جک‌دیر. ایشغال‌چی بیر دؤولت، بیر میللتین فردلرینه اقتصادی تروریزم تطبیق ائتدی و بیرلشمیش میللتلر بونا قارشی سس‌سیز قالدی" گؤروشونو پایلاشدی.

بیرلشمیش میللتلری ایسراییلین فیلیسطین، سوریه، لبنان و عراق‌داکی سالدیریلارینا قارشی دا سس‌سیز قالقماقلا سوچلایان روحانی، "بو اؤنملی اولوسلارآراسی تشکیلاتین مسئولیتینی یئرینه یئتیرمه‌سی لازیم ایدی" دئدی.

بیرلشمیش میللتلر باش کاتیبی گوترش ده آستانا پروسه‌سینین یاردیملاری ایله سوریه بحرانینین حلی اوچون آنایاسا کمیته‌سی تشکیل ائدیلدیگینی، یمن‌ده ده ایرلیله‌ییشلر قید ائدیلدیگینی ایفاده ائتدی.

گوترش آیریجا بیرلشمیش میللتلرین نوکلئر آنلاشمانی تام دستکلدیگینی و بو آنلاشما‌نین بیرلشمیش میللتلر گوونلیک شوراسینین قطعنامه‌لرینین بیر پارچاسی اولدوغونو سؤیله‌دی.