ایرانا قارشی یئنی تحریملر
"ایرانا بعضی چوخ اؤنملی تحریملر علاوه ائده‌جییک. بونلاری دا گله‌جک ۴۸ ساعات ایچری‌سین‌ده بیلدیره‌جییک"
آمریکا بیرلشمیش دؤولتلری باشقانی دونالد ترامپ، ایرانا قارشی یئنی تحریملری ۴۸ ساعات ایچری‌سین‌ده آچیقلایاجاقلارینی بیلدیردی.
ترامپ، لوس آنجلس اولوسلارآراسی هاوا لیمانین‌دا، یئنی میللی گوونلیک مشاویری رابرت اوبراین ایله ژورنالیستلره آچیقلاما وئردی.
ایرانا قارشی تحریملرین آرتیریلماسی مسئله‌سینه توخونان ترامپ،
"ایرانا بعضی چوخ اؤنملی تحریملر علاوه ائده‌جییک. بونلاری دا گله‌جک ۴۸ ساعات ایچری‌سین‌ده بیلدیره‌جییک" دئدی.
بونون ایچری‌سین‌ده، ایرانا حربی مداخیله‌نین ده اولوب اولمایاجاغینا دایر سوال اوزرینه ترامپ، "نه اولاجاغینی گؤره‌جییک" جاوابینی وئردی. ترامپ، "اگر بیر شئی ائتمک لازیم گلرسه، بونو تردد ائتمه‌دن ائدریک". ایفاده‌سینی ایشلتدی.
حاضردا چوخ گوجلو بیر قونومدا اولدوقلارینی وورغولایان ترامپ، "ایرانا حربی مداخیله سون سئچه‌نک. اما ماسادا باشقا سئچه‌نکلر ده وار" دئیه دانیشدی.
ایران پرزیدنتی حسن روحانی و یانینداکی هیاتینین بیرلشمیش میللتلر تشکیلاتی باش قورولو گؤروشمه‌لری اوچون هله ویزا آلماماسی قونوسوندا ایسه ترامپ، ایران هیاتینین بو توپلانتییا گئتمه‌سینی دستکلدیکلرینی بیلدیره‌رک،
"اگر بو منه باغلی بیر شئی اولسایدی، اونلارین گلمه‌سینه ایجازه وئرردیم" دئدی.
