مایک پمپئو: "سعودی آرامکو-یه قارشی هوجومدا عراق اراضیسیندن ایستیفاده ائدیلمهییب"
عراق ناظیرلر کابینه سی نین مطبوعات اوفیسی باش ناظیر عادل عبدالمهدی ایله امریکانین خاریجی ایشلر ناظیری مایک پمپئو آراسیندا باش توتان گؤروشونون تفررواتلارینا دایر یازیلی آچیقلاما یایدی.
عراق ناظیرلر کابینه سی نین مطبوعات اوفیسی باش ناظیر عادل عبدالمهدی ایله امریکانین خاریجی ایشلر ناظیری مایک پمپئو آراسیندا باش توتان گؤروشونون تفررواتلارینا دایر یازیلی آچیقلاما یایدی.
آچیقلامادا عبدالمهدی و پمپئونون گؤروشده ایکی اؤلکه آراسیندا اولان موناسیبتلرلری و سعودیه عربیستانینین میللی نفت شیرکتینه اولان هوجومو موذاکیره ائتدیکلری بیلدیریلدی.
آچیقلامایا گؤره پمپئو: "الیمیزده اولان معلوماتلار عراق حکومتینین "سعودی آرامکو"یا عایید تاسیس لره قارشی هوجومدا عراق اراضیسیندن ایستیفاده ائدیلمهدیگی ایله باغلی آچیقلاماسینی تصدیقلییر" ایفادهسینی ایشلدیب.
قئید ائدک کی، عراق حکومتی سؤزوگئدن هوجومدا اؤلکه اراضیسیندن ایستیفاده ائدیلمهسی ایله باغلی ادعانی تکذیب ائدیب.
سعودیه عربیستانینین میللی نفت شیرکتی "سعودی آرامکو"یا عایید 2 تاسیس ده شنبه گونو یئرلی واختلا ساعات 04.00-دا سلاحلی اوچان آپاراتلا ائدیلن هوجوملاردان سونرا یانغین اولوب.
حادثهده اؤلن، و یا یارالانان اولماییب. هوجوملا باغلی هر هانسی بیر طرف گوناهلاندیرماییب. هوجوما گؤره مسئولیتی حوثی لر اوزرینه گؤتوروب.
یمن-ده ایرانین دستک وئردیگی حوثی لر سون زامانلار اساساً سعودیه عربیستانینین هاوا مودافعه سیستمی طرفیندن ضررسیزلشدیریلن اورتا و اوزون منزیللی بالیستیک راکئتلرله یاناشی سلاحلی اوچان آپاراتلا اؤلکهنین بعضی بؤلگهلرینی هدف آلیرلار.