یپگ/پکاکا هله ده تورکییه سرحدینده
تروریستلرین ایشغال آلتینداکی بؤلگهلرده ترور هؤرگوتونو سیمگهلهین بئز پارچالارینی قالدیرماماسی دقت چکیر
بؤلوجو ترور هؤرگوتو یپگ/پکاکا سوریهنین قوزئیینده وارلیغینی داوام ائتدیریر.
سوریهده داوام ائدن ایچ ساواشی فورصت بیلهن یپگ/پکاکانین تورکییه سرحدیندهکی سوریه تورپاقلارینا قارشی باشلاتدیغی ایشغال اوزرینه تورکییه ایله آمریکا بیرلشمیش دؤولتلری آراسیندا گوونلی بؤلگه قورولماسی آماجی ایله یئریدیلن چالیشمالار داوام ائدیر.
تورکییه ایله آمریکا بیرلشمیش دؤولتلری آراسینداکی بو چالیشمالارا باخمایاراق، تروریستلرین ایشغال آلتینداکی بؤلگهلرده ترور هؤرگوتونو سیمگهلهین بئز پارچالارینی قالدیرماماسی دقت چکیر.
فرات چایینین دوغوسوندان، شانلی اورفا سرحدیندن باشلاییب ماردینین نصیبین ائلچهسینه قدر تخمیناً ۴۰۰ کیلومتری احاطه ائدن بؤلگهده راس العین، تل ابیض، عین العرب و قامیشلی کیمی یاشاییش یئرلرینی، ترور هؤرگوتو یپگ/پکاکا ایشغالی آلتیندا ساخلاییر.
تل ابیض، راس العین، عین العرب، قامیشلی ائلچه مرکزلری ایله سرحد خطینه، تروریستلر طرفیندن آسیلان و ترور هؤرگوتونو سیمگهلهین بئز پارچالاری تورکییهدن ده گؤرولهبیلیر.
ترور هؤرگوتونون بو یئرلشیملرین اطرافینا قازدیغی چوخورلار و بینالارین اوستو ایله تپهلرده یاراتدیقلاری مؤوضعلر ده سرحددن گؤرولور.
ترور هؤرگوتو عضولری، اینسانسیز هاوا آراجلارینین گؤرونتو آلماسینی انگللهمک اوچون آرا آرا بعضی بؤلگهلری اودا وئرهرک غلیظ دومان اولوشدومایا چالیشیر.
قامیشلیدا ترور هؤرگوتو یپگ/پکاکانین ایش ماشینلاری تونل قازماغی و مؤوضع اولوشدورماغی داوام ائتدیردیگی گؤرونور.
سوریهدهکی یئرلی قایناقلار ایسه ترور هؤرگوتونون بؤلگهده چوخور قازدیغینی آیریجا تروریستلرین، بؤلگهده یاشایان دینج اهالینی سلاح گوجونه ائلچه میدانیندا توپلایاراق تورکییه علیهینه اعتراض ائتمهیه مجبور ائتدیگینی بیلدیریر.