افغانیستاندا بومبالی سالدیری: 16 اؤلو
افغانیستانین باشکندی کابیلده دونن تشکیل ائدیلن بومبالی سالدیریدا 16 نفر اؤلوب، 119 نفر یارالانیب
افغانیستانین باشکندی کابیلده دونن تشکیل ائدیلن بومبالی سالدیریدا 16 نفر اؤلوب، 119 نفر یارالانیب.
ایچ ایشلر ناظیری نصرت رحیمی،بیر واسطهیه یئرلشدیریلن بومبانین یاشاییش ساحهلرینین یاخینلیغیندا پارتلاییش ائتدیریلدیگینی، اطرافداکی بیر چوخ ائوین پارتلامادان تاثیرلندیگینی بیلدیریب.
یئرلی واختلا 21.45ده (تورکیه ساعاتی ایله20.15) باش وئرن سالدیرینین هدفینین، بعضی اولوسلار آراسی تشکیلاتلارین و مهمانخانالارین یئرلشدیگی Green Village محلهسی اولدوغونو ایفاده ائدن رحیمی، سالدیریدا حیاتینی ایتیرنلرین ساییسینین 16، یارالی ساییسینین دا 119ا یوکسلدیگینی سؤیلهدی.
رحیمی، هلاک اولان و یارالیلارین چوخونون سیویل اولدوغونو وورغولاییب.
بؤلگهده سالدیری حاضیرلیغیندا اولان 5 ترورچونون اؤلدورولدوغونو دیله گتیرن رحیمی، سؤزوگئدن محلهده یئرلشن 400 اجنبینین آزاد ائدیلدیگینی بیلدیردی.
سالدیرینین اوزرینه گؤتورن طالبان، هدفین خاریجی گوجلر اولدوغونو آچیقلامیشدی.
آمریکا افغانیستان اؤزل نمایندهسی زلمای خلیلزاد، سالدیری اؤنجهسی طالبان ایله کئچیریلن سون باریش گؤروشمهسینده پرینسیپ اولاراق راضیلیغا گلدیکلرینی بیلدیرمیشدی.
خلیلزاد، افغانیستاندا یایینلانان اؤزل بیر تلویزیون کانالینا وئردیگی موصاحیبهده، طالبان ایله راضیلاشما تامین ائتدیکلرینی و آنلاشما متنینی آمریکا پرزیدنتی دونالد ترامپین تصدیقینه تقدیم ائدهجکلرینی ایفاده ائتمیشدی.
آنلاشما چرچیوهسینده آمریکانین 135 گون عرضینده افغانیستانداکی 5 پایگاهدا اولان 14 مین عسگریندن 5 مینینی چکمهسی پلانلاشدیریلیر.