عمران خان: "هیندیستانین اتم سلاح لارینین تهلوکه‌سیزلیگینه دقت یئتیریلمه‌لی‌دیر"
پاکیستان باش ناظیری عمران خان یئنی دهلی حکومتی‌نین اتم سلاحی سیاستینه دییشیک‌لیک ائده بیله جگینی سؤیله‌دیک‌دن سونرا اولوسلار آراسی بیرلیگی هیندیستانین اتم سلاح لارینین تهلوکه‌سیزلیگی باره‌ده دوشونمه‌یه چاغیردی.
پاکیستان باش ناظیری عمران خان یئنی دهلی حکومتی‌نین اتم سلاحی سیاستینه دییشیک‌لیک ائده بیله جگینی سؤیله‌دیک‌دن سونرا اولوسلار آراسی بیرلیگی هیندیستانین اتم سلاح لارینین تهلوکه‌سیزلیگی باره‌ده دوشونمه‌یه چاغیردی.
باش ناظیر خان سوسیال مئدیا حسابی تویتر دن وئردیگی آچیقلامادا: "دونیا فاشیست و عیرقچی هیند میللتچی‌سی مودی حکومتی‌نین نظارتی آلتینداکی هیندیستانین اتم سلاح لارینین تهلوکه‌سیزلیگی مسئله‌سینه جدی دقت یئتیرمه‌لی‌دیر" دئدی.
بو مسئله‌نین تکجه بؤلگه‌یه دئییل، دونیایا تأثیر ائدن بیر پروبلئم اولدوغونو قئید ائدن خان اولوسلار آراسی توپلومو هیندیستانین اتم سلاح لارینین تهلوکه سیز‌لیگینی تامین ائتمک اوچون آددیم‌لار آتماغا چاغیردی.
4 میلیون مسلمان هیندلی‌نین وطنداش‌لیغی‌نین لغو اولونماسی تهلوکه‌سینی خاطیرلا‌دان باش ناظیر 9 میلیون کشمیرلی‌نین هیندیستان طرفیندن خبرلشمه محدودیت‌لره معروض قویولدوغونو دا وورغولادی.
قئید ائدک کی، هیندیستانین مودافعه ناظیری راژناته سینگ رجستان ایالتی‌نین پوخران شهریندکی اتم سیناق مرکزینده ژورنالیست‌لره وئردیگی آچیقلاماسیندا اؤلکه‌سی‌نین ایللردیر "اتم سلاحیندان ایستیفاده ائدن ایلک طرف اولماماق" سیاستینی دییش‌دیره بیله جگینی سؤیله میشدی.
2003 -جو ایلده اعلان اولونان اتم دوکترینینه أساسا هیندیستان اؤلکه‌نین اراضی‌سینه، و یا هر هانسی بیر هیندیستان حربی قوه‌سینه قارشی مومکون بیر اتم هوجومونا قارشی جاواب اولا‌راق اتم سلاحیندان ایستیفاده ائتمه عهده لیگینی گؤتوروب.
دوکترین شیمیایی و یا بیولوژی هوجوم‌لارا جاواب هوجومونو نظرده توتور.
اقتداردا اولان هیندیستان خالق پارتیسی 2014-جو ایلدکی سئچکی مانیفستینده هیندیستانین اتم دوکترینین یئنی‌دن باخیلاجاغینی و یئنیلمه‌سینی وعد ائتمیشدی. لاکین عینی بیانات 2019-جو ایل مانیفئستینه داخیل ائدیلمه‌دی.
