سوریه-ده 4 سیویل حیاتینی ایتیریب
سوریه-ده روسیایا مخصوص اوچاق لارین هوجومو نتیجهسینده 4 سیویل اؤلوب.
سوریه-ده بشار اسد رژیمینین طرفداری روسیانین ادلیب گرگینلیگی آزالتما بؤلگهسی سرحدلری داخیلیندکی یاشاییش منطقهلرینه دونن آخشام رادهلرینده هاوادان ائتدیگی هوجوملاریندا 4 سیویل حیاتینی ایتیریب.
سوریه-ده رژیم و طرفدارلاری خان شیخون قصبهسی، تمانیه بؤلگهسی، الهبیط، سکیک، کفرسجنه، مضایا و ارمنایا کندلرینه، حمانین قوزیی اراضیلرینده کفر زیتا، اللطامنه و لطمین قصبهلرینه دونن آخشام ساعتلاریندا قورو و هاوادان هوجوملارینی آرتیریب.
موخالیفته مخصوص اوچاق مشاهده مرکزی ایله سیویل مودافعه (آغ دبیلقهلیلر) قایناقلاریندان الده ائدیلن معلوماتا گؤره، روسیایا مخصوص طیارهلرین بومباردمانیندا ادلیبین خان شیخون قصبهسینده 3، حمانین لطمین کندینده بیر سیویل وطنداش حیاتینی ایتیریب.
سیویل مودافعه ایشچیلری داغینتیلارین آلتیندا قورتارما فعالیتلرینی داوام ائتدیریر.