یمنده حوثی قروپلاری آراسیندا چاتیشما: 11 اؤلو
یمنین باشکندی صنعانین قوزئییندکی آمران ویلایتینده ایکی حوثی قروپو آراسیندا چیخان قارشیدورمادا 11 نفر اؤلوب، 6 نفر یارالانیب
یمنین باشکندی صنعانین قوزئییندکی عمران ویلایتینده ایکی حوثی قروپو آراسیندا چیخان قارشیدورمادا 11 نفر اؤلوب، 6 نفر یارالانیب.
یئرلی منبعلردن آلینان معلوماتا گؤره، حوثی قوموتانلاریندان محمد ایله موجاهید باغلی سیلاحلی قروپلار آراسیندا دونن آخشام ساعاتلاریندا چاتیشما چیخدی.
موناقیشهلرده، 11 نفر یاشامینی ایتیردی، 6 نفر یارالانیب.
بؤلگهده گرگینلیگین داوام ائتدیگی بیلدیریلدی.
حوثیلردن موناقیشهلره دایر آچیقلاما وئریلمهدی.
یئرلی قایناقلار، سؤز قونوسو موناقیشهلرین، حوثیلرین ایب خطی اوزریندکی یؤلجولارا ایجرا ائتدیگی خراج مسئلهسینده یاشانان موناقیشهدن چیخدیغینی ایفاده ائدیر.
یمنده حوثیلرین کونترولو آلتینداکی بعضی بؤلگهلر، بعضی واختلار خراج و یا نفوذ موباریزهسی کیمی سببلردن قایناقلانان سیلاحلی چاتیشمالارا صحنه اولور.
اوزون مدتدیر سیاسی غیری-ثابیتلیگین حؤکم سوردوگو یمنده ایران دستکلی حوثیلر ایله سعودی عربیستانی و بیرلشیک عرب امیرلیکلری دستگینی آلان حکومته باغلی گوجلر آراسیندا چاتیشمالار باش وئریر.
حوثیلر، یمن حکومتی گوجلری ایله باش وئرن چاتیشمالاردا بؤلگهدکی قبیله رئیسلری ایله کئچمیش پرزیدنتی علی عبدالله صالح طرفدارلارینین دستگیله ژوئن 2016دا آمرانین نظارتینی اله کئچیرمیشدی.
حوثیلر، سپتامبر 2014دن بو یانا باشکند صنعا و بعضی بؤلگهلرین کونترولونو الینه آلارکن سعودی عربیستانی رهبرلیگی آلتینداکی کوالیسیون گوجلری ده مارس 2015دن بو یانا حوثیلره قارشی حکومته دستک مقصدیله داوام ائتدیردیگی هاوا عملیاتلاری چوخ سایدا وطنداشین کوتلوی اؤلومونه یول آچدی.