ترامپ افغانیستان ایله باغلی ناراحاتلیغینی دیله گتیردی
امریکانین پرزیدنتی دونالد ترامپ امریکان حربچیلرینین افغانیستاندان چیخاریلماسی مسئلهسی ایله باغلی ناراحات اولدوغونو بیلدیردی.
امریکانین پرزیدنتی دونالد ترامپ امریکان حربچیلرینین افغانیستاندان چیخاریلماسی مسئلهسی ایله باغلی ناراحات اولدوغونو بیلدیردی.
امریکانین فوکس نیوز کانالینا موصاحیبه وئرن ترامپ افغانیستانداکی امریکان حربچیلرینین چیخاریلماسی پلانی ایله باغلی قارشیلاریندا بیر سیرا پروبلئمین اولدوغونو سؤیلهدی.
داها اول ده اولدوغو کیمی بیر داها امریکا حربچیلرینی افغانیستاندان چیخارماغی دوشوندوگونو قئید ائدن ترامپ: "عسگرلریمیزی گئری چکمک ایستییرم، اما چیخمازدان اول اورادا چوخ گوجلو بیر کشفیات قویارام" دئدی.
"اورادا گیزلنهجک چوخ یئر وار. اورا ترورچولار اوچون بیر لابراتواردیر. من ترورچولارین "هاروارد"ی دئییرم" ایفادهلرینی ایشلهدن ترامپ افغانیستانی کیفایت قدر حاضرلیق گؤرمهدن ترک ائتمهلری وضعیتینده، اؤلکهده "ترور عامللرینین" گوجلنیب امریکایا هوجوم اوچون زمین اولا بیله جگیندن احتیاط ائتدیکلرینی سؤیلهدی.
قئید ائدک کی، افغانیستان پرزیدنتی اشرف غنینین رهبرلیک ائتدیگی حکومت اوچون بؤیوک تهدید عنصورو اولان طالبان تشکیلاتی حاضردا اؤلکهنین بیر چوخ بؤلگهسینده حاکمیتینی قورویوب ساخلاییر.