ایران خبردارلیق ائتدی
مجتبی ذوالنور نوکلئر موقاویلهسی طرفداری اؤلکهلری ایران-ین ایستهدیگی آددیملاری آتمادیقلاری حالدا نوکلئر سلاحلارینین یاییلماماسی موقاویلهسیندن (NPT) چیخماق مسئلهسینی گوندمه گتیرهجکلرینی سؤیلهدی.
ایران پارلامئنتینین نوکلئر کومیتهسینین صدری مجتبی ذوالنور نوکلئر موقاویلهسی طرفداری اؤلکهلری ایران-ین ایستهدیگی آددیملاری آتمادیقلاری حالدا نوکلئر سلاحلارینین یاییلماماسی موقاویلهسیندن (NPT) چیخماق مسئلهسینی گوندمه گتیرهجکلرینی سؤیلهدی.
ایران پارلامئنتینین نوکلئر کومیتهسینین صدری مجتبی ذوالنور اؤلکهسینین یئرلی کوتلوی اینفورماسیا واسیطهلرینه موصاحیبه وئررکن تهران رهبرلیگینین نوکلئر موقاویلهسنین طرفلرینه وئردیگی 60 گونلوک مودت بارهده آچیقلاما وئردی.
ذوالنور 8 ژوئیه ده باشا چاتاجاق 60 گونلوک مودت عرضینده ضروری آددیملارین آتیلمادیغی تقدیرده نوکلئر سلاحلارینین یاییلماماسی موقاویلهسینین جدی تفتیشلره ایمکان وئرن علاوه پروتوکولون تاخیره سایناجاغینی و اولوسلار آراسی آتوم انرژیسی آژانسی (UAEA) ایله داوام ائدن امکداشلیق یئنیدن نظردن کئچیرهرک، نوکلئر سلاحلارینین یاییلماماسی موقاویلهسیندن چیخماغی گوندمه گتیرهجکلرینی سؤیلهدی.
مجتبی ذوالنور آوروپا بیرلیگینین امریکا ایله 900 میلیارد دولار مبلغینده تیجارت علاقهسینین اولدوغونو دیله گتیرهرک: "آوروپا هئچ بیر شکیلده 900 میلیارد دولاری 20 میلیارد دوللارا قدر قوربان وئرمهیهجک، نوکلئر راضیلاشماسی آوروپا بیرلیگینین ماراقلاری داخیلیندهدیر، لاکین هئچ نهیی بونا فدا ائتمک ایستمیر" دئیه بیلدیردی.
قئید ائدک کی، ایران پرزیدنتی حسن روحانی می ین 8-ده وئردیگی آچیقلامادا نوکلئر راضیلاشماسی چرچیوهسیندکی عهده لیک لرینین بیر حیسهسینی دایاندیردیقلارینی و ایرانین ماراقلارینی مدافعه ائتمک اوچون تدبیرلر گؤرمهلرینی تامین ائتمک اوچون راضیلاشمانین طرفلرینه 60 گونلوک مودت وئردیکلرینی سؤیلهمیشدی.
نوکلئر سلاحلارینینین بوتون دونیادا محو ائدیلمهسی و یئنیلرینین قاداغان ائدیلمهسی مقصدینی گودن نوکلئر سلاحلارینین یاییلماماسی موقاویلهسین 2017-جی ایلین ژوئیه آییندا 122 اؤلکهنین دستکی ایله قبول ائدیلیب.