ایران‌دان آمریکانین اوچاق گمیسی تهدیدینه اعتراض
ایران میللی امنیت عالی شوراسی‌نین سؤزچوسو کیوان خسروی، آمریکانین پیسکولوژیک ساواش چیخارمانین ایزینده اولدوغونو بیلدیریب
ایران میللی امنیت عالی شوراسی‌نین سؤزچوسو کیوان خسروی، آمریکانین پیسکولوژیک ساواش چیخارمانین ایزینده اولدوغونو بیلدیریب.
خسروی، آغ ائو میللی امنیت دانیشمانی جان بولتونون، ایرانا مساژ وئرمک اوچون " USS آبراهام لینکولن" اوچاق گمیسی ساواش قروپو ایله بیر بومباردمان وظیفه گوجونو اورتا شرقه سؤوق ائده‌جک‌لری ایستیقامتین‌دکی آچیقلاماسی اوزرینده، آمریکا رهبرلیگینی تنقید ائتدی.
خسروی، آمریکایا مخصوص " USS آبراهام لینکولن" اوچاق گمی‌سی‌نین 21 گون اوّل ایران اوردوسونون چوخ نظارتی چرچیوه‌سینده آغدنیزینه گیریش ائتدیگینی ایفاده ائده‌رک،
بولتون، نیظامی و امنیت آنلاییشین‌دان محروم‌دور. وئردیگی آچیقلاما‌لار دا داها چوخ شوو مقصدلی‌دیر و تاثیرسیز بیر اینکیشافین پیسکولوژی ساواش اوچون ناشی کیمی ایستیفاده ائدیلمه‌سی‌دیر." دئدی.
آمریکا اوردوسونون بؤلگه‌سل بحران‌لار قارشی‌سیندا داوام‌لی اولا‌راق اوغورسوز اولدوغونو ساوونان خسروی،
آمریکا اوردوسونون و قوموتانی‌نین، ایران اوردوسونون گوجونو سیناماق مئیلینده اولدوغونو دوشونموروک." ایفاده‌لرینی ایستیفاده ائتدی.
آغ ائو میللی امنیت دانیشمانی جان بولتون دونن وئردیگی یازی‌لی آچیقلامادا،
بیرچوخ قایغی وئریجی و گرگین‌لیگی آرتیران علامت و خبردارلیغا باخمایا‌راق، ایران رژیمینه آمریکانین و موتتفیق‌لری‌نین ماراق‌لارینا قارشی هر هانسی بیر سالدیری‌نین آغیر بیر گوجله جواب وئریله‌جگینه دایر دقیق و موطلق بیر مساژ وئرمک اوچون آمریکا، USS آبراهام لینکولن اوچاق گمیسی دؤیوش قروپونو و بیر بومباردمان وظیفه گوجونو مرکز گوجلر قوموتان‌لیغی بؤلگه‌سینه گؤندریر." ایفاده‌لرینی ایشلتمیشدی.
آمریکانین ایران ایله بیر چاتیشمانین آرخاسینجا اولمادیغینی ادعا ائدن بولتون، "آنجاق هر هانسی بیر تجاووزه جواب وئرمک اوچون تام حاضیریق." قیمتلندیرمه‌سینده ائتمیشدی.
ایلگیلی‌لی خبرلر
افغانیستاندا هلیکوپتر دوشدو
غور ویلایتینین فیروز کوه شهرینده عسگری هلیکوپتر، هریرود چایینین ساحلینه دوشدو
